Hetimi ndaj Ramës për "Babalen", Basha: Kësaj drejtësie do t'i vijë fundi shpejt
Kreu i opozitës: Prokuroria lëshoi lajmin se Tahiri e ka të ligjshëm luksin ku jeton "Në Shqipëri dy drejtësi, një për Ramën, një për kriminelët"
Kryetari i Partisë Demokratike, Lul zim Basha tha dje se kësaj drejtësie do t'i vijë shumë shpejt fundi. Në një reagim të tij pas vendimit të Prokurorisë së Krimeve të Rënda për të mbyllur hetimin ndaj kryeministrit Rama kërkuar nga opozita për audiopërgjimin e Babales, Basha tha se drejtësia veproi me dy standarde. Sipas Bashës, në Shqipëri veprojnë 2 drejtësi, një për kriminelët dhe një për popullin. "Prokuroria ka refuzuar të hapë hetimet për Edi Ramën, edhe pse ai mashtroi publikisht se kishte bërë ekspertizë private të audiopërgjimit, me qëllim të qartë që të mbronte një kriminel dhe për të ndikuar dhe kërcënuar organet e drejtësisë që të mos hetonin. Gjithashtu, sot ( dje), prokuroria ka refuzuar të marrë nën hetim Ardi Veliun dhe Taulant Ballën. Po ( dje) sot, prokuroria ka lëshuar përmes mediave të pushtetit lajmin se Saimir Tahiri e ka të ligjshëm gjithë luksin në të cilin jeton", u shpreh kreu i PD- së. Sipas Bashës, "është e njëjta prokurori që burgosi kuksianët, që burgos përditë njerëzit e thjeshtë për shkeljet më të lehta, që heton gazetarët kritikë dhe kundërshtarët politikë". Për kreun e opozitës, "në Shqipëri janë vendosur dy drejtësi: një për Edi Ramën dhe kriminelët dhe një tjetër për popullin. Edi Rama dhe kriminelët janë mbi ligjin, kurse mbi popullin ushtrohet dhunë duke abuzuar ligjin. Kësaj ' drejtësie' do t'i vijë fundi shumë shpejt"! Kallëzimi i opozitës për Ramën lidhet me deklaratën e kryeministrit në muajin maj pas publikimit të audiopërgjimit të Albert Veliut. Rama tha nga selia e PS se e kishte marrë përgjigjen e audiopërgjimit dhe nga ekspertiza kishte konstatuar se audioja ishte e montuar. Petrit Vasili dhe Edmond Spaho depozituan më 11 korrik një kallëzim në prokurori për Ramën, ku e akuzonin se kishte kryer veprën penale të "Veprime që pengojnë zbulimin e të vërtetës". Në vendimin e prokurorisë për të mos filluar hetimet thuhet se kryeministri Edi Rama nuk ka kryer vepër penale dhe se mungojnë elementët për këtë vepër.