Mbyllja e kazinove: Deputetët e PS janë kërcënuar nga burgu 313
Kuvendi procedurë e përshpejtuar për bastet, të enjten e ardhshme votohet ligji Kryeministri, propozime për bizneset dhe të papunët
Projektligji për lojërat e fatit hyn me proce durë të përshpejtuar seancën e ardhshme. Kuvendi votoi me 71 vota kërkesën e socialistëve për futjen e projektligjit për "Lojërat e fatit" me procedurë të përshpejtuar. Kërkesa e maxhorancës u bë dje gjatë seancës së Kuvend, seancë në të cilën opozita mungoi sërish. Projektligji parashikon mbylljen e pikave të basteve dhe zhvendosjen e kazinove jashtë qendrave të banuara. Gjatë seancës së djeshme plenare, Kryeministri Rama i kërkoi Taulant Ballës dhe kreut të parlamentit Gramoz Ruçi që ligji për mbylljen e kazinove dhe basteve online të shkojë në Kuvend me procedurë të përshpejtuar. "Të vijë sa më parë në parlament dhe të kalojë me votën e të vetmes forcë politike që mendon për njerëzit, të tjerët thonë se mendojnë për njerëzit por në fakt mendojnë vetëm për veten", theksoi z. Rama. Ai i cilësoi shpifje akuzat për monopolizimin e basteve online. "Shpifje si ajo e monopolit online të mbajnë për vete turpin e përfaqësimit të këtij llumi. Ne dimë më tepër se kaq për këtë ofensivë dhe lidhjet e atyre që shkojnë në banak më banak për të kundërshtuar në mënyrë hipokrite dhe hileqare duke e fokusuar sulmin tek një monopol online, por, në fakt, janë të lidhur drejtpërdrejtë me interesat që kulmojnë në qelitë e burgut të sigurisë së lartë në Tiranë", u shpreh z. Rama. Ai akuzoi se deputetë të Komisionit të Financave janë shënjestruar nga një sulm vulgar i mesazheve të orkestruara nga burgu 313. "Jam i keqardhur që një pjesë e deputetëve, dhe posaçërisht deputetët e Komisionit të Financave dhe Ekonomisë janë kthyer në një shënjestër e një sulmi vulgar mesazhesh të orkestruara nga burgu 313",- theksoi kryeministri Rama.
MONOPOLI
Para deputetëve të mazhornacës, Kryeministri Rama pranoi se çështja ishte komplekse ndërsa u shpreh kundër monopolizimit shtetëror të lojërave të fatit. Ky ishte propozim i kryetarit të komisionit të Ekonomisë, Erjon Braçe pak ditë më pare. "Me mirëk-
uptimin që për sa i përket online- it, që është një drejtim shumë kompleks siç tregojnë në vendet tjera do të arrijmë në një konkluzion të studiuar mbi bazën e të cilit do të mund të kemi një diskutim më tutje, të mëvonshme. Ka propozime të ndryshme edhe për sa i përket idesë së monopolit shtetëror të lojërave të fatit, basteve sportive që sot po iu them jam kundër megjithatë janë të gjitha të hapura për diskutim. Ama në 1 janar të vitit të ardhshëm ne do ta sanksionojmë këtu në parlament dhe nuk
ka më asnjë lloj basti, asnjë lloj kazinoje elektronike në asnjë zonë të banuar. Ka edhe një teme tjetër që është i rëndësishëm të theksohet sepse janë bërë spekulimeve dhe me çështjen e kazinove elektronike dhe spostimin me demek në periferi. Nuk ka asnjë spostim në periferi por kazinotë do të jenë të mundura vetëm për hotelet apo resortet me 5 yje në zonat e definuara me vendim të qeverisë dhe të gjitha autoriteve përkatëse të planifikimit të territorit si zona turistike", theksoi z. Rama. Z. Rama akuzoi se deputetë të Komisionit të Financave janë shënjestruar nga një sulm vulgar i mesazheve të orkestruara nga burgu 313. "Jam i keqardhur që një pjesë e deputetëve, dhe posaçërisht deputetët e Komisionit të Financave dhe Ekonomisë janë kthyer në një shenjestër e një sulmi vulgar mesazhesh të orkestruara nga burgu 313", tha Rama.
PUNËSIMI
Kryeministri ofron dhe një zgjidhje për pronarë pikash bastesh si dhe do të jetë prioritet punësimi i tyre. "Kjo është një mundësi për ata që kanë pika bastesesh, që kanë investuar në këto pika, që të mos rrinë të ankohen, që të mos i bashkohen llumit, që të mos marrin pjesë nëpër fushata shpifjesh online por që të mendojnë transformimin e pikës së tyre në një biznes të shëndetshëm dhe fitimprurës me taksën 5%. Ashtu si kundër nga ana tjetër do të jetë prioritet për të gjitha ata që do të dalin pa punë, nga këta që janë punonjës dhe që duan të punojnë. Se kjo hap vende pune o plako, o plako nuk ka vende pune është një moto online e atyre që rrinë në kafe dhe që e presin punën t'i zgjojë në mëngjes dhe mundësisht pas orës 9. Nuk jetohet me 240 mijë lek plako. E di vëllai. Por 240 mijë lekëshi është paga më e ulët për ata që nuk kanë asgjë tjetër përveç krahut të punës dhe dëshirës për punë ndërkohë që shumë të tjerë e fillojnë me 240 mijë, shkojnë 300, 400, 600 dhe nuk është absolutisht e rastit se edhe një ulje tjetër që bëhet në paketën fiskale për ata që kanë rrogën nga 1.2 deri në 1.5 milionë lehtëson 16 mijë njerëz. Janë 16 mijë vetë në Shqipëri të punësuar që kanë këtë rrogë dhe shumica në sektorin privat. Nuk ka gabuar Bledi Klosi, por thjesht sportiviteti i tij e ktheu në një fakt kur tha: Ka punë por s'ka specialistë",- deklaroi z. Rama.