"Xhafaj po fsheh skandalin", PD: 534 drejtues policie, ish- sigurimsa
Strazimiri: Vetingu i policisë është ndërprerë. U zbuluan shumë ish- sigurimsa në drejtim "Autoriteti të publikojë listën me sigurimsa"
PD përmes nënkryetar it të grupit parlamen tar Gent Strazimiri denoncoi dje atë që e quan si skandal, që konfirmon drejtimin e Policisë së Shtetit nga drejtues të lartë që kanë pasur lidhje me Sigurimin e Shtetit gjatë kohës së diktaturës. Sipas Strazimirit, procesi i vetingut në polici duhej të kishte nisur gjatë shtatorit, por ai, në fakt, është ndërprerë, pas verifikimit se 534 drejtues të lartë policorë kanë qenë funksionarë të diktaturës. "Ky institucion ka detyrimin ligjor të publikojë informacionin mbi praktikën në fjalë dhe jo ta fshehë atë! PD i kërkon Autoritetit të Dosjeve të mos bëhet vegël e Sigurimit të Shtetit, por të publikojë listën me sigurimsat në drejtimin e Policisë së Shtetit", deklaroi deputeti i PD- së. Sipas Strazimirit, skandali po mbahet i fshehtë nga Ministri i Brendshëm, Fatmir Xhafaj, një ish- hetues i regjimit të diktaturës, por gjurmët e skandalit janë lënë në zyrat e Autoritetit të Dosjeve. "Partia Demokratike është vënë në dijeni se verifikimi është ndërprerë, pas një takimi mes Kryetares së Autoritetit të Dosjeve, Gentjana Sula dhe Drejtorit të Përgjithshëm të Policisë, Ardi Veliu, i cili është informuar zyrtarisht për 534 drejtuesit e rangut të lartë të Policisë së Shtetit, pjesë e Sigurimit të Shtetit"tha ai. Strazimiri përmendi se komisioni hetimor për largimet nga detyra në polici, provoi zyrtarisht se qindra sigurimsa të nxjerrë në lirim ishin rikthyer në punë në mënyrë të jashtëligjshme, me vendim politik, pas një kontributi publik në radhët e partisë së Enver Hoxhës që sot drejtohet nga Edvin Rama. "Komisioni hetimor provoi se kupola në fjalë ka kontribuar në zgjedhjet e 2013 si komisionerë, vëzhgues apo edhe financues i PS madje në shuma dhjetëra mijëra euro. Statistikat konfirmojnë se rikthimi më detyrë i funksionarëve të Sigurimit të Shtetit dhe bashkëpunëtorëve të tij në nivele drejtuese është më i lartë se në vitin 1997. 534 sig- urimsat që drejtojnë sot Policinë e Shtetit janë arsyeja pse procesi i vetingut në polici është ndërprerë dhe zhurma e madhe e Fatmir Xhafa- jt dhe e Edi Ramës është zëvendësuar me heshtje. Përmes tyre partia e Enver Hoxhës që, sot drejtohet nga Edvin Rama, arriti të kanabizojë vendin, ta bëjë Shqipërinë, si kurrë më parë, vend miqësor ndaj organizatave kriminale të trafikimit me shumicë të heroinës dhe kokainës",theksoi z. Strazimiri. Ai shtoi se "falë tyre dhe standardit mafioz të "omerta- s", të kultivuar dhe trashëguar nga Sigurimi i Shtetit, Policia e Shtetit u shndërrua këto 5 vjet në një organizatë po aq të dëmshme për rendin dhe sigurinë publike. Pavarësisht se i krijuar nga partia e Sigurimit të Shtetit, "Autoriteti për Informimin e Dokumenteve të Ish- Sigurimit të Shtetit" ka detyrimin ligjor të publikojë informacionin mbi praktikën në fjalë dhe jo ta fshehë atë!"