‘ Teatri’ sot në Kuvend, PS: Do ta rrëzojmë dekretin e Metës

Opozita bojkoton sërish parlamentin, në votim edhe mbyllja e lojërave të fatit "Procesi që u shoqërua me një debat shterues"

Opozita do të bojko tojë sërish seancën plenare ndërkohë që mazhoranca do të kalojë sot në seancë plenare dekretin e dytë të Presidentit Meta që ktheu për rishqyrtim në Kuvend ligjin për teatrin, por ndryshe nga sa bënë në shtator, këtë herë socialistët do ta rrëzojnë dekretin e kreut të shtetit. Dekretet presidenciale hyjnë automatikisht në kalendarin e punimeve dhe Eduard Shalsi njoftoi deputetët e Veprimtarisë Prodhuese se do ta shqyrtojë dekretin e dytë të Metës mëngjesin e sotëm në orën 09: 00, para se të nisë seanca plenare. Më pas dekreti mësohet se do t'i kalojë seancës që parashikohet të nisë një orë më pas. Këtë herë PS do ta rrëzojë dekretin e Presidentit, duke i hapur kështu rrugën shpalljes së garës dhe negocimit të kontratës me kompaninë fituese për ndërtimin e Teatrit të ri Kombëtar, në vend të godinës ekzistuese që do të shembet. Deputeti socialist, Fadil Nasufi, anëtar i Komisionit të Veprimtarive Prodhuese paralajmëroi dje rrëzimin e dekretit. Ndryshe nga dekreti i parë ku maxhoranca ndryshoi vetëm pikën e hapjes për garën 60 ditë. "Dekreti i Presidentit do të rrëzohet me votat e mazhorancës dhe do ti hapet rruga ndërtimit të Teatrit të ri Kombëtar, ashtu siç është bërë publike qysh në fillim të këtij procesi që u shoqërua edhe me një debat shterues"- tha deputeti socialist për ' Ora News'. Më tej Nasufi u shpreh, se pas vendimit të parlamentit do t'i hapet rruga procedurave të ligjit të negocimit dhe konkurrimit për ndërtimin e Teatrit të ri Kombëtar me Partneritet Publik- Privat, ashtu siç është bërë publik që në fillim të këtij procesi shoqëruar dhe me një debat shterues. Në korrik Presidenti Meta e kthehu për herë të parë ligjin 37/ 2018 duke renditur disa problematika, mes të cilave edhe mungesën e një gare të hapur për kompanitë ndërtuese. Kreu i shtetit nënvizoi se në ligj, me gjithë ndryshimet e bëra nuk garantohet barazia e subjekteve private në ndërtimin e teatrit. Pas një insistimi edhe të Brukselit, mazhoranca pranoi vërejtjet duke hapur të paktën zyrtarisht garën, gjë që përveç ndryshimeve në brendi solli edhe ndryshimin në emrin e ligjit për teatrin. Këto elementë shfrytëzoi presidenti për ta konsideruar ligjin 37/ 2018 si ligj të ri e duke e ngelur atë për herë të dytë në vjeshtë, ndonëse një “Nesër ( sot) në Kuvend për Ligjin që ndalon Bixhozin( kazino, baste sportive, baste për gara qensh, kuajsh, luftëra gjelash, off apo online, pa asnjë përjashtim)! E po nesër dhe ca fjalë për Lloto Opozitën e për bastet e gjysmagjelave të kazanit politik të baltës së shpifjeve e të akuzave?”, shkruan Rama.