Frei: Dorëheqja e Xhafajt, hap pozitiv kundër krimit të organizuar
Deputeti gjerman: Akuzat ndaj ministrit të Brendshëm po bëheshin të papranueshme "Pritshmëritë nga ministri i ri janë të mëdha"
Gjermania përmes raportuesit të saj për Shqipërinë, Thorsten Frei, i kërkon Shqipërisë më shumë rezultate nga lufta kundër krimit të organizuar, tani që ish- ministri i Brendshëm, Fatmir Xhafaj, është larguar. Në një intervistë për agjencinë ndërkombëtare të lajmeve "Deutsche Welle", ligjvënësi gjerman deklaroi se pretendimet ndaj ish- ministrit dhe vëllait tij për përfshirje në aktivitete të jashtëligjshme ishin të papranueshme në Gjermani. "Është e vështirë të gjykosh së largu se cilat kanë qenë shkaqet e dorëheqjes së tij. Sidoqoftë, unë e kam theksuar gjithnjë, se thashethemet dhe supozimet e lidhura me zotin Xhafajn edhe për ca kohë do të ishin të papranueshme politikisht në Gjermani. Mendoj se dorëheqja është një tregues tjetër në drejtim të luftës kundër korrupsionit dhe krimit të organizuar, përkatësisht shkëputjes nga politika", tha z. Frei. Deputeti i Bundestagut thekson se qeveria duhet të shtojë përpjekjet në luftën kundër krimit të organizuar. "Është e vërtetë që ndërkohë janë bërë përparime të mëdha me vetingun, por unë jam ende shumë i shqetësuar për gjendjen e krimit të organizuar. Kjo pikë do të luajë në fillim të verës së ardhshme një rol shumë vendimtar, kur në tryezë të kthehet sërish çështja e negociatave të anëtarësimit. Mbetet të presim se cili është roli që do të luajë pasardhësi i tij dhe se a do të jetë në gjendje ai të dëshmojë rezultate të shpejta. Jam optimist me rezerva se dorëheqja e Xhafajt, për vendin do të jetë një hap i vogël pozitiv përpara dhe drejt Europës", deklaroi Thorsten Frei. Ndërkohë, "Deutsche Welle" shkruan se pasardhësi i Xhafaj, Sandër Lleshi, përveç pastërtisë së emrit, ka përparësi edhe eksperiencën perëndimore dhe drejtimin e një përfaqësie diplomatike në Gjermani disa vite më parë.
MBËSHTETJA
Ministrja e Drejtësisë, Etilda Gjonaj merr mbështetjen e anëtarëve të Komisionit për Çështjet Ligjore dhe të Konsumatorit në parlamentin gjerman për zbatimin e reformës në drejtësi. Takimi në Ministrinë e Drejtësisë me delegacionin që drejtohej nga z. Stephan Brandner dhe përbëhej nga përfaqësues të të gjithë spektrit politik të Bundestagut: CDU/ CSU, SPD, FDP, Të Ma-
jtët, Aleanca 90, u fokusua te reformat e ndërmarra nga Qeveria shqiptare, të cilat synojnë forcimin e shtetit ligjor në vend dhe njëkohësisht përmbushjen e standardeve të kërkuara nga procesi i integrimit evropian të vendit. Ministrja Gjonaj i ka falënderuar de-
putetët gjermanë për mbështetjen që i kanë dhënë Shqipërisë në procesin e integrimit në familjen evropiane dhe i ka siguruar se qeveria është e fokusuar maksimalisht në plotësimin e të gjitha prioriteteve të kërkuara për çeljen e negociatave për anëtarësim në "Është e vështirë të gjykosh së largu se cilat kanë qenë shkaqet e dorëheqjes së tij. Supozimet e lidhura me zotin Xhafajn edhe për ca kohë do të ishin të papranueshme politikisht në Gjermani. Unë shpreh optimizëm me rezervua, se dorëheqja e Xhafajt është për vendin një hap i vogël pozitiv përpara dhe drejt Europës", tha z. Thorsten Frei.
BE. "Në këtë kontekst një vend të rëndësishëm zë reforma në drejtësi, zbatimi i së cilës është duke realizuar një ndryshim radikal dhe unik në llojin e vet në të gjithë rajonin, por edhe më gjerë", u shpreh Gjonaj. Sipas ministres Gjonaj, rezultatet e para të procesit të vetingut janë pritur me optimizëm nga shumica dërmuese e qytetarëve shqiptarë. Deputetët gjermanë shprehën interes lidhur me ecurinë e reformës, krijimin e institucioneve të reja të drejtësisë dhe bllokimin e amendamenteve të paketës së reformës në parlament. Kreu i Komitetit për Çështjet Ligjore dhe të Konsumatorit, z. Stephan Brandner, theksoi se Qeveria shqiptare do të vazhdojë të ketë mbështetjen e plotë të Gjermanisë për të gjitha reformat e ndërmarra, me qëllim që të shpejtohet rruga e integrimit në Bashkimin Evropian. Lidhur me çështjen e ngritur nga delegacioni gjerman për mënyrën se si do të plotësohen vakancat e gjyqtarëve dhe prokurorëve të krijuara nga vetingu, ministrja Gjonaj është shprehur se mazhoranca ka bërë përpjekjet maksimale për miratimin e ndryshimeve ligjore për kuotat e reja për Shkollën e Magjistraturës, miratim i cili nuk u arrit për shkak të mosvotimit të tyre nga opozita. Tani pritet ngritja e dy këshillave, me qëllim që të përcaktohet numri i studentëve që do të ndjekë Shkollën e Magjistraturës për t'u përfshirë më pas në sistem si gjyqtarë ose prokurorë. Masat antikorrupsion të qeverisë ishin një tjetër temë e rëndësishme, për të cilën deputetët gjermanë treguan interes të veçantë.