Rama lavdëron Bankën e Shqipërisë: Ka qenë pikë referimi për të gjithë
Kryeministri në konferencë: I vetmi institucion që nuk është anatemuar Ahmetaj: 4.3% rritje ekonomike në 2019, më e larta në rajon
Kryeministri Edi Rama u shpreh se Banka e Shqipërisë është i vetmi institucion që nuk është anatemuar dhe përbën një mbështetje shumë solide dhe garanci të fortë në raport me qeverinë.
Kryeministri theksoi se "BSH është ndoshta i vetmi institucion që rrezaton një qëndrueshmëri konstante në të gjithë periudhën e ekzistencës së vet, pas rënies së komunizmit".
"Nëse nuk i kam bërë gabim llogaritë, BSH është i vetmi institucion në këtë vend që nuk është anatemuar nga njëra palë për llogari të kacafytjes me palën tjetër politike. Kjo mjafton për ta përcaktuar BSH si një qendër të rëndësishme dhe të pakontestueshme graviteti që pa diskutim është meritë e ekipit të drejtimit, bordit dhe guvernatorëve njëri pas tjetrit",- tha Rama.
Për të ilustruar rolin e Bankave Qendrore në realitetin e sotëm, kryeministri Rama u rikthye në periudhën e 50 viteve më parë.
"50 vite më parë kur BE sapo kishte dalë nga pelenat dhe duhet të provonte rezultatet gjysmë shekullit që kaloi, Banka e Suedisë pati organizuar një konferencë me të njëjtin pyetje që sot Shqipëria ia bën vetes: Banka qendrore përballë sfidave. E parë me sytë e 50 viteve më pas, politikat monetare i kanë kapërcyer kufijtë kombëtare dhe janë të ndërlidhura me njëra- tjetrën. Sot në një vend si Shqipëria është ngritur pyetja e integrimit evropian me tërësinë e kushteve. Banka qendrore duhet t'i japë një përgjigje kësaj pyetje, duket pyetje e thjeshtë, por është komplekse. BSH ka pasur një rol pozitiv në përballjen me përudhen pas krizës duke qenë në vijimësi pikë referimi për të gjithë. BSH është i vetmi institucion që nuk është anatemuar nga njëra palë për llogari të kacafytjes me palën tjetër. Kjo tregon se BSH është një qendër e Kryeministri vlerësoi rolin e Bankës së Shqipërisë dhe punën për të përballuar pasojat në momente të caktuara dramatike, ndërsa tha se BSH ka pasur një rol jashtëzakonisht pozitiv edhe në përballjen me periudhën pas krizës, duke qenë në vijimësi një pikë referimi për të gjithë. pakundërshtueshme e gravitetit dhe është një trashëgimi e çmuar. BSH përbën një mbështetje shumë solide dhe garanci të fortë në raport me qeverinë tonë dhe me çdo qeveri. Sot është ulur niveli i kredive të këqija në krahasim me vitet e kaluara"- tha Rama.
Rama vlerësoi rolin e Bankës së Shqipërisë dhe punën për të përballuar pasojat në momente të caktuara dramatike, ndërsa tha se BSH ka pasur një rol jashtëzakonisht pozitiv edhe në përballjen me periudhën pas krizës duke qenë në vijimësi një pikë referimi për të gjithë.
MINISTRI I FINANCAVE
Rritja ekonomike në Shqipëri në vitin 2019 do të arrijë në 4.3%, që mendohet të jetë më e larta në rajon.
Kështu deklaroi sot ministri i Ekonomisë dhe Financave, Arben Ahmetaj, në konferencën vjetore "Politika monetare, integrimi ekonomik dhe normaliteti i ri", ku është i pranishëm kryeministri Edi Rama, guvernatori i Bankës së Shqipërisë Gent Sejko, etj.
"Ekonomia shqiptare rritet në nivelet 4%. Dikush thotë a mjafton. Ky është një debat që nuk ka për të mbaruar kurrë. 7% mbase nuk do të mjaftonte, 10% ndoshta për të konverguar sa më shpejt me nivelin e BE- së nuk do të mjaftonte, por, kur e krahason me 0.8% në 2013, pas riskut të një kolapsi total, sigurisht që 4% është katër herë më shumë", nënvizoi Ahmetaj.
Ministri Ahmetaj theksoi se "rritja ekonomike është mbështetur në mënyrë të balancuar si te konsumi i popullatës ashtu edhe tek investimet në ekonomi, shtimi i aktivitetit ekonomik, ndryshe ndodhte në vitet para 2013, është më në fund shoqëruar me rritje punësimi.
Ministri tha se "sërish nuk do të ndalem asnjëherë së përsërituri se besoj se çështja e punësimit është çështja më rëndësishme e diskutimit mes qeverive dhe aktorëve të tjerë në ekonomi".
"Shumë aspekte të realitetit ekonomik kanë ndryshuar pas viti 2008 qoftë nga pikëpamjet e infrastrukturës financiare apo të sjelljes së aktorëve ekonomikë si institucionale ashtu edhe individëve",- shtoi ai.
Lidhur me investimet e huaja, Ahmetaj tha se "në vitin 2018 investimet e huaja direkte pritet të jenë në nivele të kënaqshme. Më besoni se të paktën në aspektin nominativ do të jenë shifra rekord. Nuk ishte e lehtë të vinim në këtë realitet të sotëm ekonomik.
Qeveria shqiptare ndërmori një sërë masash të gux- Ministri i Financave tha se "Kreditë me probleme kanë shkuar nga 24% në vitin 2014 në 13.3% në 2018 dhe vazhdojnë të ulen. Falë këtyre ndërhyrjeve nga më domethënëset në sistemin financiar shqiptar, sot sistemi është shumë i sigurt dhe më i pajisur me mjete për të përballuar situata të vështira". imshme dhe jo të lehta për të evituar situatën e vështirë ku ndodhej vendi në 2013".
Ahmetaj tha se "efektet e krizës së 2008 u transmetuan në ekonomi të ndryshme përmes kanalesh të ndryshme. Shqipëria fatmirësisht nuk u përfshi në një recension klasik pas krizë së 2008, por degradimi i performancës së aktiviteteve ekonomik u shfaq vit pas vit duke kulmuar në gjendjen e vitit 2013, 2012. Në 2012 kur Shqipëria konsiderohej në kulmin e varfërisë së vet. Dhe në 2013 kur situata e financave publike dhe ekonomike ishte në atë gjendje që edhe na surprizoi edhe nuk na surprizoi, kur skanuam realitetin".
"Ne jemi sot patjetër në një realitet të ri, ekonomia shqiptare e ka lënë pas vitin e vështirë 2013 dhe pasojat që eventualisht do të shihnim dhe ndjenim të gjithë nga punonjësit publikë te pensionistët, apo shtresat në nevojë, bizneset, bankat e kështu me radhë.
Faktikisht për shkak të përgjegjshmërisë së qeverisë dhe të gjithë aktorëve, duke përfshirë edhe Bankën e Shqipërisë, kriza greke u la pas tani, është kthyer në një përrallë të së kaluarës. Në 2012 nuk ishte aspak një përrallë, ishte një realitet i mundshëm".
Ministri Ahmetaj tha se "përfitoj në çdo rast të tillë të përmend fjalët e kryeministrit Rama në prezantimin e programit të qeverisë në shtator të 2013; "Përpara kemi një shkëmb, mbrapa kemi një gropë". Që do të thotë që kishim vetëm një rrugë dhe atë rrugë tashmë ne, ju qytetarët e kanë parë e kanë provuar mes dhimbjesh reformash, suksesesh duke lënë gropën mbrapa dhe shkëmbin të dërrmuar".
Duke përmendur reformat e kryera nga qeveria, Ahmetaj u shpreh se "u reformua sektori tërësisht energjetik, i cili ishte totalisht në kolaps, u ndërhy në reformën pensioneve duke e shndërruar skemën në një projeksion të qëndrueshëm, reforma administrative territoriale nga 374 njësi në 6 njësi, duket si aritmetikë e thjeshtë, në fakt, ka qenë një ushtrim politik dhe administrativ tejet i guximshëm dhe i vështirë, si dhe reformën në arsimin e lartë".
Nuk mund të lë pa përmendur, vijoi ai, reformën e financave publike ku së bashku me FMN, Bankën Botërore, Komisionin, sot ne numërohemi në vendet me transparencë të kënaqshme, të lartë në financat publike.