Turqia paralajmëron me luftë Greqinë për detin
Zëdhënësi i Erdogan: Forcat e armatosura s'do hezitojnë të veprojnë Konflikti për ishujt, grekët pretendojnë zgjerimin e ujërave territoriale
Pas "luftës" së ftohtë të pashpallur mes tyre, Turqia paralajmëron se do të kundërpërgjigjet ushtarakisht nëse Greqia nis zgjerimin e ujërave territoriale, sipas parimit të 12 miljeve. Deklaratën e bëri zëdhënësi i partisë së Presidentit Erdoan, i cili e konsideroi të rrezikshme përpjekjen e Athinës. "Kjo është një sjellje e rrezikshme. Hapësira që ata e njohin si "zona 7" është pjesë e shelfit tonë kontinental. Përgjigjja e merituar do t'u jepet nga forcat tona të armatosura, që nuk do të hezitojnë të përmbushin kërkesën e Republikës së Turqisë". Athina e ka bërë të qartë qëndrimin e saj se për sovranitetin territorial nuk merr urdhra nga Ankaraja. Por ish- ministri i Jashtëm grek Theodhoros Pangalos i bën thirrje qeverisë greke të tregohet e kujdesshme me çështjen e zgjerimit të hapësirës detare dhe marrëdhëniet me Turqinë. "Do thosha që nuk duhet të përlasemi me Turqinë. Është një forcë e madhe, duhet ta pranojmë. Por jeta e njeriut nuk ka të njëjtën vlerë në Greqi dhe Turqi. Turqia është vend i botës së tretë ku mijëra njerëz vriten pa u folur fare për ta". Kryeministri grek Al- exis Tsipras nuk e çoi për dekret presidencial zgjerimin me 12 milje të hapësirës de- tare greke, por tha se do të kërkojë edhe mendimin e deputetëve dhe grupeve shken- "Kjo është një sjellje e rrezikshme. Hapësira që ata e njohin si ‘ zona 7’ është pjesë e shelfit tonë kontinental. Përgjigjja e merituar do t'u jepet nga forcat tona të armatosura, që nuk do të hezitojnë të përmbushin kërkesën e Republikës së Turqisë", - ka thënë zëdhënësi.
core përpara se ta hedhë për votim në parlament. Ndërkaq dhe para disa ditëve Turqia ka paralajmëruar Greqinë dhe e ka porositur të evitojë veprimet që mund të shkaktojnë përshkallëzim në Mesdhe. "Ne këshillojmë Greqinë që të evitojë veprimet që mund të shkaktojnë një përshkallëzim në rajon ( Mesdhe)", thuhet në një komunikatë me shkrim të Ministrisë së Punëve të Jashtme të Turqisë, ku rikujtohet se duke nisur nga mëngjesi i 18 tetorit kanë nisur aktivitetet e reja kërkimore sizmike në platformën kontinentale turke në Mesdhe nga anija "Barbaros Hayreddin Pa? a". "Deklarata për media e bërë dje në lidhje me këtë çështje nga Ministria e Jashtme e Greqisë është plotësisht e pabazuar nga pikëpamja e së drejtës ndërkombëtare. Këmbëngulja e Greqisë në pretendimet jorealiste s'do të ketë asnjë rezultat tjetër veçse dëmtimit të marrëdhënieve dypalëshe dhe stabilitetit rajonal", thekson MPJ turke. Në komunikatë nënvizohet, gjithashtu, se Turqia do të vazhdojë të përdorë në platformën e saj kontinentale të drejtat dhe kompetencat sovrane që burojnë nga e drejta ndërkombëtare. Kujtojmë se që prej kohësh këto dy shtete i kanë acaruar marrëdhëniet e tyre për shkak të konfliktit mbi përkatësinë e ishujve, që Turqia i njeh me emrin Kardak, ndërsa Greqia Imia, të pozicionuar mes ishullit grek Dodecanese dhe brigjeve të Turqisë jugperëndimore, një incident i rrezikshëm raportohet të ketë ndodhur në muajin shkurt të këtij viti. Në ishujt e shumëpërfolur, një anije patrullimi turke ka goditur anijen greke që ishte e ndaluar në det. Anija greke pa pësuar vetëm dëme materiale në pjesën e pasmes të saj, ndërkohë që incidenti nuk është raportuar në median turke. Ky është incidenti i parë serioz mes dy vendeve gjatë muajve të fundit pas fërkimeve të shumta në këtë zonë, një mosmarrëveshje që zgjat prej dekadash mes Turqisë dhe Greqisë, mbi ishujt e pabanuar në Egje. Konflikt ky që i vendosi të dy vendet në prag të një konflikti të armatosur në 1996 kur Ankaraja dhe Athina dërguan forcat detare në dy ishuj fqinj si shenjë e një konfrontimi të pritshëm. Më pas, të dyja vendet i tërhoqën trupat pas presionit diplomatik të shteteve të bashkuara.