Lleshi "ministër" i Brendshëm, Rama i jep kohë Metës
Tri ditët e tensionimit qeveri- Presidencë, çfarë ndodhi dje në Kuvend dhe në ministri PS do t'i ripropozojë Metës emrin e gjeneralit
Pavarësisht tensionit dhe përplasjeve të drejtpërdrejta të tri ditëve të fundit, Presidenti i Republikës dhe kreu i qeverisë kanë dhënë dje shenjat e para se ngërçi i fortë institucional mund të shkojë drejt zgjidhjes, gjithmonë nëse do ketë vullnet mes tyre. Shenjën e parë e dha Presidenti Meta, teksa herët në mëngjes, para se të nisej për në Itali, shpërndau në media njoftimin për dekretimin e kreut të ri të SHISH, Helidon Bendos, një propozim që ai e mbajti në "sirtar" prej më shumë se një viti. Një lëvizje që e përshëndeti edhe vetë kryeministri Edi Rama, i cili theksoi se kjo i kishte shtuar edhe më shumë shijen e mirë të takimit që pati me të në Presidencë për nevojën reciproke për mirëkuptim dhe për një zgjidhje konstruktive, pavarësisht mosmarrëveshjes që kishin pasur për rastin "Lleshi". E për t'i dhënë kohë arritjes së mirëkuptimit mes palëve, mazhoranca, ashtu siç edhe kishte paralajmëruar, vijoi me emërimin e Sandër Lleshit si zëvendësministër të Brendshëm, deri në gjetjen e një zgjidhje përfundimtare jo vetëm për këtë ngërç, por pse jo, edhe për të gjitha çështjet e tjera që mbeten pezull mes Presidencës dhe qeverisë.
EMËRIMI I LLESHIT
Menjëherë pas votimit të dekretit për shkarkimin e Fatmir Xhafajt në parlament, qeveria në një mbledhje fare të shkurtër miratoi edhe vendimin për emërimin e Sandër Lleshit në pozicionin e zëvendësministrit të ri të Brendshëm, por i komanduar përkohësisht në postin e ministrit. E për t'i dhënë rëndësinë e duhur, jo vetëm para vartësve të tij, por edhe para opinionit publik, atij iu rezervua një ceremoni e thjeshtë prezantimi në Ministrinë e Brendshme, por me praninë edhe të vetë kryeministrit, Edi Rama. Për këtë qëllim në ministri nisën përgatitjet, teksa në fillim kanë mbërritur zëvendësministrat dhe pas tyre edhe Fatmir Xhafaj, i cili duhet t'i dorëzonte detyrën. Nga Kryeministria për në Ministrinë e Brendshme, Kryeministri Rama do të udhëtonte në makinën e tij së bashku me Lleshin për të ngjitur shkallët e ministrisë ku në zyrë i priste Xhafaj. Pas një takimi që zgjati jo më shumë se 25 minuta dhe pa praninë e mediave, Rama dhe Xhafaj u larguan së bashku, duke mbyllur kështu për mo- Për t'i dhënë rëndësinë e duhur, jo vetëm para vartësve të tij, por edhe para opinionit publik, atij iu rezervua një ceremoni e thjeshtë prezantimi në Ministrinë e Brendshme, por me praninë edhe të vetë kryeministrit, Edi Rama. Për këtë qëllim në ministri nisën përgatitjet, teksa në fillim kanë mbërritur zëvendësministrat dhe pas tyre edhe Fatmir Xhafaj, i cili duhet t'i dorëzonte detyrën.