Ulnin vitin e prodhimit të makinave që sillnin nga jashtë vendit, arrestohen 3 sekserët
Ekzekutohen 5 masa sigurie për doganierë, shpallet në kërkim një tjetër Policia: Vlera e zhdoganimit të mjeteve ka qenë më e ulët në vlera monetare
Tre persona janë ndalu ar në Durrës për falsi fikim dokumentesh gjatë operacionit të koduar "Silent". Specialistët e seksionit për hetimin e krimit ekonomik dhe financiar në Drejtorinë Vendore të Policisë Durrës në bashkëpunim me specialistët e hetimit doganor pranë Drejtorisë së Përgjithshme të Doganave dhe prokurorinë e qytetit bregdetar, pas një hetimi disa mujor kanë finalizuar me sukses operacionin në fjalë. Sipas bluve, shtetasit e ndaluar janë: Erdi Çena 29 vjeç e Qani Kacmoli 32 vjeç, të dy banues në Durrës në rolin e sekserit; Qani Kacmoli 32 vjeç, në rolin e sekserit si dhe Glodjan Sulaj 35 vjeç, banues në Tiranë, po në rolin e sekserit. Ndërsa, janë ekzekutuar vendimet e Gjykatës së Rrethit Gjyqësor Durrës, të cilët kanë vendosur masat e sigurisë në ngarkim të shtetasve: Kostandin Risto 59 vjeç, banues në Durrës, me detyrë agjent doganor është vendosur masa e sigurisë "Arrest shtëpie"; Mirjan Driza 44 vjeç, banues në Durrës, me detyrë agjent doganor është vendosur masa e sigurisë ' Detyrim paraqitje pranë oficerit të Policisë Gjyqësore'"; Neritan Bablusha 49 vjeç, banues në Tiranë, me detyrë doganier është vendosur masa e sigurisë "Pezullimi i ushtrimit të një detyrë a shërbimi publik"; Endrit Pllumbi 39 vjeç, banues në Tiranë, me detyrë doganier është vendosur masa e sigurisë "Pezullimi i ushtrimit të një detyrë a shërbimi publik" dhe Sokol Mehmeti 51 vjeç, banues në Durrës, me detyrë doganier është vendosur masa e sigurisë "Pezullimi i ushtrimit të një detyrë a shërbimi publik".
Ndërkaq, në ngarkim të një shoqërie tregtare, e cila funksiononte si agjenci doganore është vendosur masa e sigurisë me karakter ndalues "Ndalimi i përkohshëm i ushtrimit të veprimtarive të caktuara profesio- nale ose afariste". Gjithashtu, është shpallur në kërkim dhe po punohet për kapjen e shtetasit Xh. S. Sipas burimeve policore, personat e mësipërm në bashkëpunim me njëri- tjetrin kanë sjellë mjete nga jashtë shtetit në vendin tonë dhe duke falsifikuar dokumentet kanë ulur vitin e prodhimit dhe i kanë zhdoganuar. Në këtë mënyrë vlera e zhdoganimit të mjeteve ka qenë më e ulët në vlerë monetare se vlera normale bazuar në vitin e saktë të prodhimit të tyre. Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale "Kontrabandës me mallra të tjera" e kryer në bashkëpunim më shumë se një herë dhe "Falsifikim të dokumenteve" e kryer në bashkëpunim më shumë se një herë.