Presidenca “refuzon” buxhetin shtesë, Fino: 85 punonjës janë shumë
Kryeprokurorja Marku kërkon 197 punonjës shtesë, PS: Absurde! Shifër e frikshme “KQZ kërkon ambiente të reja dhe dy makina”
Përplasja e ditëve të fun dit mes Presidentit Ilir Meta dhe kryeministrit Edi Rama nuk u reflektua dje në komisionet parlamentare teksa u diskutua projektbuxheti për vitin e ardhshëm. Institucioni i Presidentit të Republikës nuk pati asnjë kërkesë në Komisionin e Ligjeve për buxhetin në 2019. Përfaqësuesit e kreut të shtetit u shprehën të kënaqur me fondin e përcaktuar për Presidencën në buxhetin e vitit 2019. Sekretari i Përgjithshëm i Presidencës, Alqi Balko deklaroi se nevojat janë të pafundme, por buxhetin e cilësoi realist duke qëndruar në shifrat e një viti më parë. "Nuk kemi asnjë kërkesë shtesë krahasuar me vitin aktual. Nevojat janë të pafundme, por buxheti është realist", Alqi Balko, sekretar i Përgjithshëm i Presidentit. Por deputeti i PS, Bashkim Fino u shpreh se presidenti ka një staf me një numër më të lartë punonjësish sesa duhet. Ai tha se 85 punonjës për një president janë shumë, ndërsa kritikoi edhe zërin e investimeve. "Nuk pengohet veprimtaria e Presidentit të Republikës, madje ka më shumë se ç'duhet po ta shohim nga pikëpamja financiare. Ka më shumë se sa duhet. 85 veta për një president. Janë goxha fond. Kanë realizuar shumë pak fondet e investimeve. Nëse nuk i bëni, jua japim të tjerëve", theksoi z. Bashkim Fino. Ndërsa sekretari i Presidencës u përgjigj për kritikat për investimet duke thënë se ' procedurat janë kryer. I mbyllim brenda vitit'.
PROKURORIA
Prokuroria e Përgjithshme kërkon 197 punonjës shtesë për vitin 2019. Në Komisionin e Ligjeve u zhvillua dje seanca dëgjimore me përfaqësuesin e prokurorisë së përgjithshme Abazi për buxhetin. Deputeti i PS, Bashkim Fino u shpreh kundër kërkesës së prokurorisë duke e cilësuar këtë shifër të frikshme. "Kjo i bie si të ngresh nga e para institucionin e prokurorisë. Shifër e frikshme. Ministria e Financave ka shtuar 50. Por ne nuk dimë ne çfarë nivelesh do shkojnë stafet e rinj. Ku janë? Mua më duket absurde. Unë personalisht nuk do ta pranoja. Ka pasur 130 milionë lekë për investim, por ka shpenzuar vetëm 52. Jua heqim fare. Ja japim një njeriu që di të investojë më mirë", tha Fino. Por, përfaqësuesi i prokurorisë sqaroi pozicionet ku planifikohet të vendosen punonjësit e rinj. "Shtesa për 197 punonjës është mbi ligjin e ri të prokurorisë së përgjithshme: 30 i duam oficerë të policisë gjyqësore, 100 sekretarë pranë çdo Shkolla e Magjistraturës nuk mundi të bindë “Ligjet" që ta lejojë të blejë një makinë, edhe pas përpjekjeve të deputetit të PS, Alket Hyseni. Ai iu drejtua socialistit Fono: "Bashkim ju jeni gjirokastrit. Nuk është serioze që të diskutojmë një 5 milionë lekësh, le ta vërë zoti Fino dorën në zemër, edhe Erjon Braçen do ta bindim dhe ta kalojmë atë".