Mosdekretimi i Lleshit, Meta: Amatorët të lexojnë Kushtetutën
Kërkoi zgjidhje të konfliktit Kryeministri- Presidencë, Fleckenstein në zyrën e Presidentit "Diletantë, mua më lini të bëj detyrën"
Presidenti Ilir Meta u bëri dje thirrje "ama torëve dhe diletantëve" të lexojnë Kushtetutën lidhur me kompetencat që ajo i jep atij si kryetar shteti në rastin emërimit të Sandër Lleshit. Meta u rezervua të saktësonte se kujt i drejtohej duke i etiketuar si "diletantë" dhe "amatorë", ndërkohë që vetë kryeministri Edi Rama, por edhe deputetët e mazhorancës këto ditë janë shprehur se Kushtetuta e detyron ta firmosë. Presidenti Ilir Meta teksa foli dje për herë të parë me zërin e tij për propozimin për herë të dytë të Sandër Lleshit si ministër i Brendshëm la të kuptohet se nuk ka ndryshuar qëndrim. Kreu i shtetit para mediave u shpreh i bindur për vendimin e dhënë me refuzimin e dekretimit të emrit të Lleshit në postin e ministrit të Brendshëm. Në kuadër të këtij debati Meta ngriti dhe një pyetje: "A mundet parlamenti të rrëzojë dekretin e presidentit për një ministër?". "Pa dashur të jap leksione për Kushtetutën, të gjithë amatorëve dhe diletantëve të njëanshëm i ftoj të lexojnë Kushtetutën dhe kompetencat e presidentit. Një akt formal apo ceremonial është vetëm betimi tek presidenti. Të gjithë ata që mendojnë se dekretimi nuk është një akt substancial dhe individual, por formal dhe se presidenti ka detyrë vetëm të firmosë një propozim në këtë rast, pasi në Kushtetutë nuk thuhet në mënyrë eksplicite se presidenti nuk mund të kthejë prapa dekretin, kam një pyetje tjetër: A mundet parlamenti të rrëzojë dekretin e presidentit për një ministër?", u shpreh kreu i shtetit. A do i drejtohet parlamentit për të treguar arsyet? Z. Meta u përgjigj: "Unë jam mjaft i lidhur me parlamentin dhe jam i zgjedhur nga parlamenti, kështu që parlamenti për mua është gjithçka". Por a do ta dekretojë presidenti kërkesën e dytë për Sandër Lleshin? I pyetur për këtë, Meta foli për rëndësinë e bashkëpunimit në një forum që në fokus kishte të njëjtën temë, por pa lënë të kuptohet shumë për vendimin që do të marrë. "Forumi ' Tirana Connectivity' i mbajtur sot ( dje) ishte i mrekullueshëm dhe besoj se interkonektiviteti duhet të rrezatojë kudo", u shpreh Presidenti Meta. Në të njëjtën kohë, kryeministri Edi Rama ka paralajmëruar se do t'i drejtohet të hënën Gjykatës Kushtetuese që të interpretojë mosdekretimin e ministrit të Brendshëm nga presidenti. Ndonëse kjo gjykatë është jashtë funksionit, Rama bëri të ditur se ajo mund të rivihet në punë brenda pranverës. Gjatë qëndrimit në Tiranë, eurodeputeti Knut Fleckenstein zhvil- loi dje një takim edhe me Presidentin e Republikës, Ilir Meta. "Pata kënaqësinë të takohesha me eurodeputetin Knut Fleckenstein. Vetëm reformat e vërteta në fushën e
DEKLARATA
"Sa i takon anës ligjore, pa dashur të jap leksione për Kushtetutën, por gjithë amatorët, diletantët do t'i ftoja edhe një herë të lexojnë Kushtetutën, kompetencat e presidentit. Akt formal dhe ceremonial është vetëm betimi te presidenti", - deklaroi kreu i shtetit, Ilir Meta. sundimit të ligjit do të çojnë drejt çeljes së negociatave të anëtarësimit në Bashkimin Evropian", shkruan Meta në rrjetet sociale. Beteja mes dy institucioneve Presidencëqeveri vijon ndërkohë edhe në një front tjetër. Teksa Rama pret firmën për Sandër Lleshin, Meta pret votën e mazhorancës për Vitore Tushën, që e ka propozuar si kryetare të Kontrollit të Lartë të Shtetit. Kryeministri e ka vlerësuar figurën e saj, por është shprehur se emërimi i saj në këtë post mund të dëmtojë Reformën në Drejtësi, pasi Tusha është anëtare e Këshillit të Emërimeve në Drejtësi dhe largimi i saj nga ky këshill do të shtynte sërish funksionimin e këtij organi të ri kushtetuese.