Mosdekretimi i Lleshit, Fleckenstein: Shpresoj të gjendet zgjidhje
Soreca: BE vlerëson reputacionin e zv. ministrit
Knut
Fleckenstein dhe Luigi Soreca në një konferencë shtypi deklaruan dje se kandidatura e Sandër Lleshit për Ministër të Brendshëm nuk është problem për Bashkimin Europian. Referuar informacioneve që kanë, dy përfaqësuesit e Brukselit në Tiranë thanë se Lleshi gëzon një reputacion të mirë për punën që ka kryer. Ndërkohë për Fleckenstein, reforma zgjedhore duhet të kryhet, përndryshe do të vështirësojë bisedimet për hapjen e negociatave. "Informacionet që unë kam për z. Lleshaj janë të gjitha pozitive, por nuk e di nëse i kam të gjitha informacionet. Presidenti mund të ketë ndonjë hetim më të thelluar që e ka çuar drejt vendimit të tij, por unë jam unë njeriu që duhet të kritikojë presidentin, sepse unë nuk i di arsyet. Nuk do guxoj të mbaj anën e askujt. Besoj në gjetjen e një zgjidhjeje sa më shpejt të jetë e mundur", deklaroi z. Fleckenstein. Ehe kreu i delegacionit të Bashkimit Europian në Tiranë, si zëri zyrtar i Brukselit mbajti të njëjtin qëndrim. "Për zotin Lleshi, unë mund veçse të konfirmoj se komuniteti ndërkombëtar vlerëson punën dhe reputacionin e tij. Është një zyrtar i lartë i mirënjohur, i cili gjithashtu është trajnuar ndërkombë- tarisht, prandaj gëzon një reputacion shumë të mire", u shpreh z. Soreca. Një tjetër reformë që Shqipëria duhet të përmbushë është ajo zgjedhore për të cilën Flectkenstein ishte pozitiv dhe u bëri thirrje partive të mos pengojnë punën e komisionit. "Ende kam përshtypjen se dy bashkëkryetarët e Komisionit të Reformës Zgjedhore po bëjnë më të mirën për të shpëtuar atë që kanë nisur dhe mund t'u kërkoj të gjitha partive të mëdha në parlament për të mbështetur punën e këtyre dy bashkëkryetarëve", tha z. Fleckenstein. Sa i takon faktit që vendi është pa Gjykatë Kushtetuese, Freckenstein ka këtë koment: "Nuk është situatë e mirë pa Gjykatë Kushtetuese, e dimë të gjithë, por në këtë proces ka një lloj efekti domino, gjithsesi unë nuk shoh ndonjë problem".