Berisha sulmon Lleshin: Jemi në kushtet e një grushti shteti
Ish-
kryeministri Sali Berisha i jep të drejtë Presidentit Ilir Meta në debatin për dekretimin e Sandër Lleshit si ministër i Brendshëm. Në një intervistë për ' ABC' ai ka theksuar se jemi në kushtet e një grushti shtetit të bërë nga kryeministri Edi Rama. "Jemi në kushtet e një grushti shteti brenda shtetit të realizuar nga kreu i ekzekutivit me asgjësimin nëpërmjet vektorëve dhe gjuetisë së shtrigave të Gjykatës Kushtetuese. Kjo përbënë dhe një potencial të madh për çdo lloj përplasje. Aty ku ka grusht shteti lindin dhe të gjitha të drejtat për t'iu kundërvënë me çdo mjet",- tha Berisha. Ndaj ni- sur pikërisht nga kjo, ai ka justifikuar veprimin e Metës për të mos e dekretuar Lleshin. Gjithsesi ai shprehet se presidenti ka të drejtë ta shohë në thelb aktin e tij. "Në këtë kontekst asgjë nuk mund ta pengojë atë për të shqyrtuar në themel dhe krijuar bindje për çdo akt të tij. Unë mendoj që Presidenti me ftesën që i ka bërë kandi- datit ka ezauruar çdo detyrim për shpjegim të mëtejshme. I propozuari gjeneral ka refuzuar Presidentin e Republikës", tha Berisha. Ai, gjithashtu, ka sulmuar edhe vetë kandidatin për ministër, Sandër Lleshi se si ushtarak nuk i është përgjigjur thirrjes së Komandantit të Përgjithshëm të Forcave të Armatosura. "Dua t'i them këtij gjenerali që nuk paraqitet kur e thërret kryekomandanti i vendit, ai meriton vetëm një gjë, një dekret për ta zhveshë menjëherë. Ky është akt puçist, sepse Sandër Lleshi është emëruar në kundërshtim me Kushtetutën në detyrën që mban",- theksoi Berisha.