Manifestimi nacionalist në varrimin e Kaçifas, shpallen "non grata" 52 ekstremistë grekë
Lirohen 12 personat e shoqëruar nga policia, procedohen 11 për thirrje raciste Sandër Lleshi: Shfaqje e patolerueshme ekstremizmi, s'mund të tallen me popullin shqiptar
Një ditë pas cere monisë së varrimit të ekstremistit Konstandin Kaçifas, që u kthye në një manifestim nacionalist, Shqipëria ka shpallur "Non grata" 52 shtetas grekë, të cilët bënë thirrje provokative në fshatin Bularat të Gjirokastrës. Në një konferencë të jashtëzakonshme për mediat, zv. ministri i Brendshëm, Sandër Lleshi u shpreh në daljen e tij të parë pas marrjes së detyrës se personat e shpallur të padëshiruar nga autoritetet shqiptare kanë cenuar rendin kushtetues dhe sigurinë kombëtare. Ai theksoi se askush nuk mund të tallet me respektin dhe urtësinë e popullit shqiptar, duke shfaqur ekstremizëm të patolerueshëm, ndërsa paralajmëroi masa ligjore në rast se ata do tentojnë të hyjnë në territorin shqiptar. Gjithashtu, gjatë fjalës së tij, Lleshi u shpreh se shtetasit grekë shpërdoruan respektin ndaj normës tradicionale, duke ardhur në Shqipëri për ceremoninë mortore, por duke e shfrytëzuar këtë ngjarje për të bërë thirrje provokative. Sipas zëvendësmini- strit, ngjarjet e së enjtes në Bularat ishin një provokime sa vulgare, aq edhe të rrezikshme. Ndërkohë, mësohet se këta shtetas të shpallur "non grata" i përkasin një pjesë e konsiderueshme listës prej 44 personave të kthyer dy ditë më parë në Kakavijë, të cilët nuk u lejuan të futeshin në Shqipëri. Kjo listë e përpiluar ( mes tyre ka edhe emra të përfshirë në jetën politike greke dhe figura publike) nga agjentët e Antiterrorit do t'i përcillet Ministrisë së Jashtme e më pas trupit diplomatik grek edhe me argumentet se përse këta shtetas nuk lejohen në Shqipëri dhe përbëjnë rrezik me praninë e tyre këtu. Pas deklaratës për mediat të zv. ministrit të Brendshëm, Sandër Lleshi, i cili njoftoi shpalljen non grata për 52 shtetas grekë në Shqipëri, burime nga Prokuroria sqaruan për "Gazeta Shqiptare" akuzat e ngritu- ra ndaj tyre. Sipas këtyre burimeve, 44 shtetasve grekë u është refuzuar hyrja në Shqipëri pasi përbënin rrezik për rendin dhe sigurinë në vend. Ndërsa është vendosur dëbim i tyre për 10 vite. Ndërkohë, për të tjerët janë referuar veprimet dhe është kërkuar shpallja si të padëshiruar në vendin tonë për 15 vite në një fazë të dytë. Po sipas të njëjtave burime, materialet janë referuar bazuar në nenin 111 "të ligjit 108 i vitit 2013 për shtetasit e Burime nga Prokuroria sqaruan për "Gazeta Shqiptare" akuzat e ngritura ndaj shtetasve grekë të shpallur "non grata". Sipas këtyre burimeve, 44 shtetasve grekë u është refuzuar hyrja në Shqipëri pasi përbënin rrezik për rendin dhe sigurinë në vend. Ndërsa është vendosur dëbim i tyre për 10 vite. Ndërkohë, për të tjerët janë referuar veprimet dhe është kërkuar shpallja si të padëshiruar në vendin tonë për 15 vite në një fazë të dytë.