Vokshi: Je autor i masakrës elektorale. Dako: Padi për ty zonja gënjeshtare
PD-
ja akuzoi sërish dje kreun e Bashkisë së Durrësit, Vangjush Dakon, për përfshirje në krim elektoral. Sipas deputetes Albana Vokshi, "Edi Rama po e mban të kyçur në sirtarët e prokurorisë provën që çon në burg Vangjush Dakon, dosjen ' 339'". Ajo akuzoi se, "Vangjush Dako, autor i masakrës elektorale në qarkun e Durrësit, në bashkëpunim me bandat. Dosja ' 339' që Edi Rama po e mban të kyçur në sirtarët e prokurorisë është prova që çon në burg Vangjush Dakon si autor i masakrës elektorale në qarkun e Durrësit, në bashkëpunim me bandat. Përgjimet e dosjes 339 kanë faktuar se Vangjush Dako është në komunikim të vazhdueshëm me bandat para, gjatë dhe pas zgjedhjeve, duke shkëmbyer me pasuri dhe pushtet votat e blera për tepsinë e Edi Ramës. Dosja ' 339' është faktimi i asaj që panë vëzhguesit ndërkombëtarë të zgjedhjeve, kur raportuan se vota në Shqipëri u ble, se qytetarët nuk votuan të lirë dhe votuesit u kërcënuan dhe u shtrënguan nga bandat, siç është rasti i Durrësit", theksoi Vokshi. Por, kryebashkiaku i Durrësit, njoftoi në "Facebook" se do të ngrejë padinë e radhës për shpifje, këtë herë në ngarkim të deputetes së PD- së, Albana Vokshi duke e quajtur zonjë gënjeshtare. I menjëhershëm ishte reagimi i Vokshit, e cila i kujtoi Dakos dosjen numër ' 339' dhe e ka paralajmëruar se e pret burgu. "Banditët politikë dhe banditët e rrugës do të përfundojnë në burg, që të çlirohet Durrësi dhe gjithë Shqipëria nga krimi, betoni dhe xhuxhëria njerëzore dhe mendore", shprehet Vokshi.