Berisha: "Forca e krimit" godet përsëri në Shkodër, maskat ekzekutojnë në mes të tregut biznesmenin
"Autorët u larguan në mbledhjen e organizatës kriminale Rilindja"
TIRANË - Pas ngjarjes së rëndë në Shkodër, ka reaguar ish- kryeministri Sali Berisha. Përmes një postimi në "Facebook", Berisha ka ironizuar operacionin "Forca e Ligjit" duke e quajtur "Forca e krimit". Ish- kryeministri shkruan se pas krimit, maskat u larguan për në mbledhjen e organizatës Rilindja. "Operacioni ' forca e krimit' godet përsëri në Shkodër! Maskat ekzekutojnë në mes të tregut të qytetit një biznesmen dhe plagosin rëndë një tjetër. Maskat largohen për në mbledhjen e organizatës kriminale Rilindja. Do takohen me Ditzi Bus- hatin për të dëgjuar porositë e Kallam Dështakut për konkurrencën me kallashnikov", - shkruan Berisha. Njëri nga atentatorët është ulur nga mjeti dhe ka qëlluar 8 herë me pistoletë në drejtim të 40- vjeçarit Ferracaku, që dyshohet se ka qenë objektivi. Në çast ka ndërhyrë Mehaj ( motra e këtij të fundit është gruaja e viktimës) ka dalë para autorit për ta ndaluar, por për pasojë ka mbetur i plagosur. Sipas mjekëve, 48vjeçari ka marrë dy plumba sipër këmbës së majtë, afër legenit. Ndërsa Ferracaku ka marrë plumba në kokë, në gjoks dhe në këmbë.
ar se nuk e kanë parë ngjarjen, pasi janë frikësuar dhe janë larguar nga aty. Ndërsa kanë rrëfyer se as autorët nuk i kanë njohur, duke qenë se mbanin skafandra në kokë. Thjesht kanë raportuar për dy persona me motorçikletë dhe asgjë më shumë. "Pamë tmerr me sy. Nuk i njohëm vrasësit", janë shprehur tregtarët e kalimtarët. Në polici janë shoqëruar edhe persona të tjerë, të cilët dyshohen se mund të kenë dijeni për këtë ngjarje të rëndë. Ende janë të paqarta arsyet e kësaj vrasjeje. Viktima dhe kunati i tij merreshin me tregtinë e peshkut, duke shitur te merkata e Rusit. Sipas hetuesve të çështjes, atentati është kryer nga vrasës me pagesë. Të dy autorët, ai që ka qëlluar dhe tjetri që e shoqëronte nuk kanë gabuar dhe janë treguar të qetë e të ftohtë në çdo veprim të tyrin. Policia ka sekuestruar pamje filmike në akset ku mendohet se kanë lëvizur dy shtetasit, por është vështirë të identifikohen, pasi mbanin skafandra në kokë.