Regjistrimet e vendbanimeve në kryeqytet, ja kur është afati i fundit i amnistisë
Erion Veliaj, thirrje qytetarëve: Regjistrohuni sa më shpejt, përfitoni nga mundësia Burime nga Bashkia e Tiranës: Gjobat, deri në 100 mijë lekë
Qytetarët e Bashkisë së Tiranës, kanë kohë deri në muajin prill për të bërë regjistrimin e saktë të vendbanimit të tyre, në të kundërt do të penalizohen me gjobë, vlera e së cilës arrin deri në 100 mijë lekë të vjetra. Ditën e djeshme, kryebashkiaku Erion Veliaj, gjatë përurimit të zyrave në Lagjen nr. 13, i bëri thirrje të gjithë banorëve të Tiranës që të regjistrohen në zonën ku jetojnë, për të bërë kështu edhe ndarjen e duhur të buxhetit për çdo zonë. "Më e rëndësishme është se në vitin 2019 do të reflektojmë buxhet për këto njësi të reja, çka na mundëson që me të njëjtën cilësi që punojmë në sheshin "Skënderbej", të punojmë edhe tek tri njësitë e reja. Po ashtu, edhe për shërbime, siç lejet për ndërhyrje të brendshme, qytetarët do të kenë mundësi t'i marrin këtu",- tha Veliaj.
AMNISTIA
Ndërkohë, burime nga Bashkia e Tiranës bëjnë me dije për "Gazeta Shqiptare" se para 10 ditësh ka hyrë në fuqi amnistia që i shpëton nga ngarkimi me gjoba qytetarët që ende nuk kanë regjistruar vendbanimin. "Rreth një vit e gjysmë më parë, ka hyrë në fuqi ligji mbi regjistrimin e saktë të vendbanimeve të banorëve të kryeqytetit. Nëse ky regjistrim nuk kryhet gjoba mund të jetë deri në 100 mijë lekë të vjetra. Por ka më shumë se 10 ditë që ka hyrë në fuqi amnistia që i shpëton qytetarët nga ngarkimi i gjobave. Ata kanë afat deri në muajin prill të 2019- ës për të bërë regjistrimin e saktë të vendbanimit të tyre",- thonë për
' GSH' burime nga Bashkia e Tiranës. Vetë kryebashkiaku, në fjalën e tij tha qytetarët mund të shfrytëzojnë mundësinë e krijuar nga qeveria dhe parlamenti për të transferuar vendbanimin në njësitë ku banojnë
realisht, duke përfituar nga amnistia. "Nuk ka nevojë të shkosh tek njësia e vjetër, transferimi ndodh automatikisht, pa asnjë gjobë. Është një mënyrë ideale për të pasur të gjithë shërbimet këtu, jo vetëm certifikatat, por duke nisur nga 1 janari, edhe shërbimin e pasaportës e kartës së identitetit, duke qenë se edhe kompania "Aleat" do i atashohet tri lagjeve të reja",- tha Veliaj. Ky i fundit shtoi se do të japë shembullin i pari, si përfitues i shërbimeve të zyrës më të re, duke bërë zhvendosjen e familjes së tij nga Njësia 2 në lagjen e re. "Do jem i pari që do përfitoj nga lagjja e re, do transferoj Ajolën, Kajanin dhe veten time këtu, për disa arsye: Së pari, se qendrën e votimit do ta kem këtu dhe nuk ka nevojë të transferohem në pjesën tjetër të Tiranës; së dyti, shërbimet do t'i marr këtu",- tha kryebashkiaku.
LAGJET E REJA
Qytetarët që jetojnë në "Më e rëndësishme është se në vitin 2019 do të reflektojmë buxhet për këto njësi të reja, çka na mundëson që me të njëjtën cilësi që punojmë në sheshin "Skënderbej", të punojmë edhe tek tre njësitë e reja. Po ashtu, edhe për shërbime siç janë lejet për ndërhyrje të brendshme, qytetarët do të kenë mundësi t'i marrin këtu", - tha Veliaj.
zonën jugore të Tiranës, në Selitë, në Kodrën e Diellit apo edhe Liqenin e Thatë, nuk u duhet të shkojnë drejt Farkës apo Njësisë 5 për të marrë një shërbim. Tashmë, shërbimet do t'iu ofrohen shumë më afër, në zyrat e reja të Lagjes 13, në afërsi të Selitës, ku do të gjejnë jo vetëm mjedise më të mira, por edhe një staf të ri dhe të kualifikuar. Kryetari i Bashkisë së Tiranës, vuri në pah edhe njëherë angazhimin e bashkisë për të ofruar shërbimet sa më pranë qytetarëve. "Jam dyfish i gëzuar: së pari, si kryetar i Bashkisë ka qenë ëndërr që të afronim shërbimin te qytetarët dhe që ky shërbim të reflektonte realitetin e Tiranës sot, që do të thotë: nëse Tirana është rritur përtej vijës së verdhë, tek Unaza e Re, Kodra e Diellit, Kopshti Zoologjik, Kopshti Botanik dhe Liqeni i Thatë dhe pjesa tjetër tek Fresku, midis Dajtit dhe Kinostudios, atëherë shërbimet tona duhet të reflektojnë këto realitete, ndaj fillojmë me promovimin e lagjes së parë. Njësia administrative 13 është këtu në Rr. ' Rrapo Hekali',- theksoi Veliaj. Ndërkohë, afrimin e zyrave të shërbimit pranë qytetarëve e vlerësoi edhe ministri i Diasporës, njëkohësisht edhe deputet i PS, Pandeli Majko. Ky i fundit vlerësoi edhe njëherë investimet e rëndësishme të bashkisë në këtë zonë. "Po fillojmë rikonsiderimin dhe rikonstruksionin e komuniteteve. Kjo që sot shikohet këtu si Lagjja Nr. 13, nesër mund të jetë një njësi e re administrative, edhe si pasojë e atij investimi të madh të kryer nga Bashkia. Fillimisht, u rindërtuan rrugët, ishin rrugë fshati, ka ardhur autobusi atje ku nuk mendohej, dhe sot mund të flasim për një njësi të re administrative, e cila i bashkohet natyrshëm qytetit të Tiranës, pasi kjo zonë, sidomos zona e Selitës, ka qenë një fshat me një distancë shumë të afërt me qendrën",- tha Majko.