Pas arratisjes së Gruevskit, arrestohen dy të akuzuarit për çështjen "Titanik"
Prangosen ish- ministri i Transportit dhe ish- sekretari i qeverisë
Ish-
ministri i Transportit të Maqedonisë Mile Janakieski dhe ish- sekretari i qeverisë Kiril Bozinovski janë arrestuar ditën e martë në mbrëmje. Ata janë vënë në pranga me kërkesë të prokurorisë speciale dhe vendim të Gjykatës Penale e më pas janë dërguar në burgun e Shutkës. Arrestimi ka ardhur si rezultat i arratisjes së ish- kryeministrit maqedonas Gruevskit dhe për të shmangur një largim të tyre policia i ka çuar pas hekurave. Të dy të arrestuarit janë nën hetim për çështjen "Talir" dhe janë akuzuar në disa raste të tjera që përfshirë "Titanikun", për të cilin është caktuar një seancë dëgjimore në ora 9.30. Mile Janakies- ki tha se nuk e përkrah ikjen e Gruevskit. Gjykata speciale e Shkupit caktoi 30 ditë paraburgim për dy të arrestuarit. Arrestimet u kryen në orën 05: 00 të mëngjesit të së mërkurës, pas urdhër- arrestit të kërkuar nga prokurorët të cilët thanë se kishin informacione se Janakieski dhe Bozhinovski po përgatiteshin të arratiseshin, nën shembullin e ish- Kryeministrit Nikolla Gruevski. Në një deklaratë për mediat, Kryeministri Zoran Zaev kërkoi nga Hungaria ekstradimin e Gruevskit. "Kemi lëshuar urdhërarrest ndërkombëtar dhe kërkojmë nga Hungaria që Nikolla Gruevski të ekstradohet. Arratisja e tij tregon se ai ndihet fajtor për atë që është gjykuar". Krahas aferës korruptive 600 mijë euroshe të Mercedesit, Gruevski rrezikon dënimin edhe për rastin ' Titanik', ku të akuzuarit dyshohen se kanë ushtruar presion e u kanë dhënë rryshfet votuesve në zgjedhjet lokale të 2012- ës në Maqedoni, me qëllim manipulimin e rezultatit. Gruevski u arratis në Budapest dhe ditën e martë në një postim në "Facebook" shkruante se ka kërkuar azil në Hungari duke qenë i dënuar me 2 vite burg nga Gjykata Penale.