Nikolla Gruevski kërkoi azil, Hungaria e pranon
Prokurorja maqedonase, optimiste: Do të ekstradohet për në Maqedoni Vikor Orban: E strehuam për çështje sigurie
Ditën e djeshme ishkryeministri maqe donas, Nikolla Gruevski ka dorëzuar kërkesë për azil tek autoritetet kompetente hungareze. Ishte vetë kabineti i kryeministrit hungarez, Vikor Orban që konfirmoi lajmin për mediat maqedonase. "Ish kryeministri i Maqedonisë ka deklaruar arsyet për mundësimin e statusit të refugjatit në Hungari. Duke pasur parasysh se Gruevski ka qenë për 10 vite kryeministër dhe duke marrë në konsideratë rrethanat e sigurisë, autoritetet tona i kanë lejuar Gruevskit të dorëzojë zyrtarisht kërkesë për azil dhe e kanë dëgjuar arsyetimin e tij në zyrat e Byrosë për migrim dhe azil në Budapest. Autoritetet hungareze do ta shqyrtojnë kërkesën e Gruevskit dhe do ta vlerësojnë në përputhje me ligjet hungareze dhe ato ndërkombëtare". Ne nuk dëshirojmë të ndërhyjmë në punët e brendshme të shteteve sovrane dhe konsiderojmë se vlerësimi i kërkesës për azil për ishkryeministrin do të shqyrtohet vetëm në aspektin juridik, theksojnë nga kabineti i Orban duke shtuar se nuk mund të ndajnë më shumë informata me opinionin lidhur me procedurën për azil të ish- kryeministrit Gruevski para se të përfundojë procedura. Ndërkaq prokurorja e PSP në Maqedoni, Katica Janeva ka deklaruar për 1Tv se për çështjen "Titanik" ka kërkuar paraburgim për ish- kryeministrin Nikolla Gruevski, por se Gjykata Penale e ka refuzuar dhe ka sjellë masa tjera kujdesi, ndërsa për rastin "Tanku", nuk është kërkuar paraburgim. "Për rastin ' Tanku' ku Gruevski është dënuar me dy vite burg për shpërdorim detyre ne nuk kërkuam paraburgim duke vlerësuar se ai rregullisht vinte në gjykatë dhe ishte deputet në Kuvend"- ka deklaruar Kati- ca Janeva, duke shtuar se institucionet nuk duhet ta çojnë fajin te njëra- tjetra për arratisjen e tij. Prokurorja shprehet optimiste se Gruevski do të ekstradohet nga Hungaria, aty ku ka kërkuar azil politik dhe do të gjykohet në Maqedoni edhe për akuzat tjera. Ndërkaq tanimë ish- kryeministri maqedonas ndodhet në Hungari ku ka kërkuar strehim politik. Përmes një deklarate për shtyp, ministria maqedonase njoftoi se ka marrë përgjigjen e autoriteteve hungareze, të cilat pohuan se Gruevski ndodhej atje dhe se ka kërkuar azil politik. Menjëherë pas përgjigjes nga pala hungareze, Gjykata themelore e Shkupit, me kërkesë të Ministrisë së Brendshme, lëshoi urdhër- arresti ndërkombëtar për ishkryeministrin maqedonas. Ishte vetë Gruevski që njoftoi përmes ' Facebook'- ut arratisjen për në Hungari. "Ditët e fundit kam marrë një numër "Për rastin ' Tanku', ku Gruevski është dënuar me dy vite burg për shpërdorim detyre, ne nuk kërkuam paraburgim duke vlerësuar se ai vinte rregullisht në gjykatë dhe ishte deputet në Kuvend", - ka deklaruar Katica Janeva, duke shtuar se institucionet nuk duhet ta çojnë fajin te njëra- tjetra për arratisjen e tij. të madh kërcënimesh me jetë. Unë jam në Budapest dhe kam kërkuar azil politik nga autoritetet hungareze. Gjithmonë do t'i qëndroj besnik kauzës së Maqedonisë. Asnjëherë nuk do të kthehem mbrapa!" Ish- lideri maqedonas njihet për një marrëdhënie të ngushtë më kryeministrin hungarez Viktor Orban. Ky i fundit u akuzua nga opozita në Hungari se po strehon një kriminel. Nikolla Gruevski u dënua me 2 vite burg nga Gjykata Penale e Shkupit, për abuzim me tenderët në kohën kur ishte kryeministër. Tashmë atij i mbetet si shpresë e vetme falja presidenciale nga Gjorge Ivanov.