Studimet në SHBA, ambasada: Kujdes, nuk mund të punoni për të paguar tarifën
5 hapat për t'u bërë pjesë e universiteteve amerikane. Kriteret dhe aplikimi "Duhet të keni patjetër sponsor, kursime apo bursë"
Të gjithë ata që janë të interesuar për të nd jekur një program studimi në Shtetet e Bashkuara, duhet të dinë se nuk mund të punojnë në tokën e premtuar për të financuar studimet. Ditën e djeshme, ambasada amerikane, nëpërmjet një njoftimi ka bërë me dije se studentët duhet të kenë një bursë, një sponsor ose kursime për të paguar tarifën e shkollimin në një prej universiteteve amerikane. "Të studiosh në SHBA është një mundësi e shkëlqyer, por nuk mund të punoni në Shtetet e Bashkuara për të financuar arsimimin tuaj. ' Education USA' është vendi i duhur ku mund të hartoni një plan për të paguar shkollimin tuaj në Shtetet e Bashkuara. Ju nuk mund të punoni jashtë kampusit për të paguar tarifën e shkollës. Duhet që të keni kursime, një sponsor ose ndihmë financiare/ bursë për të paguar arsimimin tuaj", - thekson ambasada në njoftimin e saj.
HAPAT PËR STUDIME NË SHBA
Sot është dita e fundit e festimit të javës së arsimit ndërkombëtar, e cila vjen si një mundësi për përfitimet e arsimit ndërkombëtar dhe shkëmbimeve në të gjithë botën. SHBA- të renditen të katërta nga destinacionet e zgjedhura nga studentët shqiptarë që po studiojnë jashtë Shqipërisë. Qendra ' Education USA' është një zyrë këshillimi për të gjithë ata të interesuar që duan të vazhdojnë studimet në Amerikë. ' Education USA' është një program i Departamentit të Shtetit Amerikan dhe financohet nga ta dhe ambasada amerikanë në Tiranë. Këshilluesja e qendrës ' Education USA' mund t'ju këshillojë dhe t'ju asistojë gjatë ndjekjes së 5 hapave për të studiuar në ShBA. Të gjithë të interesuarit duhet të gjejnë universitetin apo kolegjin që plotëson të gjitha kushtet e aplikantit. Me mbi 4500 univer- sitete apo kolegje në Amerikë, nuk duhet të përpiqeni të përshtatni veten me shkollën, por të gjeni shkollën që ju përshtatet juve dhe qëllimeve tuaja. Kërkimi duhet të fillojë 12- 18 muaj para vitit akademik në të cilin doni të vazhdoni studimet. Secili universitet apo kolegj ka kriteret e veta. Duhet të jepni provimet e standardizuara në bazë të ciklit të studimit që doni të vazhdoni dhe kërkesave të universitetit apo kolegjit.
Kandidatët duhet të ndjekin edhe financimin e investimeve. Megjithëse, konkurrenca është e lartë, çdo vit studentët ndërkombëtare marrin shuma të konsiderue- shme në ndihmë financiare apo bursa "Të studiosh në SHBA është një mundësi e shkëlqyer, por nuk mund të punoni në Shtetet e Bashkuara për të financuar arsimimin tuaj. ' Education USA' është vendi i duhur ku mund të hartoni një plan për të paguar shkollimin tuaj në Shtetet e Bashkuara. Ju nuk mund të punoni jashtë kampusit për të paguar tarifën e shkollës”.
për të mbuluar koston e studimeve të tyre. Secili universitet apo kolegj publikon në faqen e tyre të uebit të gjitha bursat, kriteret apo ndihmën financiare që ofrojnë për studentët ndërkombëtarë. Hapi i tretë është procesi i aplikimit. Nuk ka proces standard aplikimi, pasi secili universitet apo kolegj ka kriteret e veta dhe afatet e veta të aplikimit. Aplikimi fillon gjithmonë një vit përpara vitit akademik ku doni të studioni. Procesi mund të përfshijë shkrimin e një eseje, mbledhjen e letrave të rekomandimit, certifikatat apo vërtetimet e aktiviteteve jashtëshkollore dhe pikët e provimeve. Pasi pranoheni nga universiteti dhe merrni dokumentin e pranimit, duhet të aplikoni për vizën studentore. Bëhet aplikimi ' online' duke plotësuar formularin, pagesën dhe rezervimit të datës së intervistës. Hapi i fundit është takimi para largimit nga Shqipëria. Qendra bën një takim informues mbi jetën studentore dhe çdo gjë tjetër që ju duhet të dini para se të niseni për në Shtetet e Bashkuara.