Rregullorja, Këshilli funksionon kur marrin pjesë më shumë 5 anëtarë

Kjo strukturë duhet të ketë përfaqësim të barabartë

Këshilli

për Rregulloren, Mandatet dhe Imunitetin për bëhet nga 10 deputetë, të emëruar nga Kryetari i Kuvendi, pasi ka marrë mendimin e kryetarëve të grupeve parlamentare, në mënyrë që të sigurojnë përfaqësim të barabartë mes shumicës dhe opozitës parlamentare. Këshilli kryesohet nga Kryetari i Kuvendit dhe studion propozimet për ndryshimin e Rregullores, jep mendime për çështje të interpretimit të Rregullores, si dhe për konfliktet në lidhje me kompetencat ndërmjet komisioneve të Kuvendit. Me kërkesë të Kryetarit të Kuvendit, Këshilli shqyrton kërkesën për dhënien e autorizimit nga Kuvendi për fillimin e ndjekjes penale ose arrestimin e një deputeti, në përputhje me nenin 118 të Rregullores dhe nëse ka vend për procedim ndaj deputetit të ndaluar ose të arrestuar, sipas nenit 119 të Rregullores. Këshilli shqyrton të gjitha çështjet që lidhen me mandatin e deputetit dhe paraqet raportin përkatës në seancë plenare. Këshilli verifikon mandatin e deputetit, i cili zgjidhet gjatë legjislaturës dhe paraqet raportin përkatës në seancë plenare brenda 30 ditëve. Këshilli aktual përbëhet nga 5 anëtarë të mazhorancës, dhe më konkretisht: Gramoz Ruçi, Klotilda Bushka, Bledar Çuçi, Vasilika Hysi dhe Ulsi Manja, ndërsa PD përfaqësohet me Gent Strazimirin, Enkelejd Alibeajn, Astrit Veliajn, Nasip Naçon dhe Dhurata Çupin. Këshilli i zhvillon mbledhjet kur në të marrin pjesë më shumë se gjysma e anëtarëve. Në kushtet kur 5 anëtarët e opozitës nuk janë të pranishëm, atëherë funksionimi i tij është i pamundur.