Bixhozi, Rama: Momenti im i keq, kur mbeta vetëm me Braçen
Kryeministri flet për nismën e qeverisë në emisionin "Shqiptarët për shqiptarët" "Lojërat e fatit janë çmenduri, duhet t’i ndalojmë"
Në studion e shqiptarëve ishte ftuar këtë të premte kryeministri Edi Rama, i cili foli pikërisht për fenomenin e bixhozit dhe nismën e qeverisë për t'i vënë kyçin në 31 dhjetor të këtij viti. Emisioni u ndal pikërisht në këtë plagë të shoqërisë, teksa kryeministri foli në studio hapur, ku ndër të tjera tregoi edhe arsyet se si vendosi për të mbyllur përfundimisht lojërat e fatit dhe bastet. Kryeministri e nisi me një batutë me t'u akomoduar në studio: "Shyqyr që në këtë studio nuk të bërtasin ata që të ftojnë. Faleminderit për ftesën, pashë në prapaskenë historinë për varësinë e bixhozit. Zbatimi i ligjit është një sfidë e jashtëzakonshme. Bixhozi ishte i paligjshëm edhe në periudhën e komunizmit dhe dënohej me burg. Në 1989 ishin 200 raste të paligjshme", tha Rama. Kryeministri u shpreh se ajo që ishte më shqetësuese është se ky fenomen është jo vetëm shumë i përhapur, por edhe i lidhur me burimet kriminale të financimit. "Unë e kam deklaruar këtë sfidë qysh në ditën e fitores së zgjedhjeve, e kam deklaruar me bindje të plotë që kjo i ka të gjitha të këqijat. Rrënon familjet, prindërit shkatërrohen, ajo që kam parë pasi bëra këtë deklaratë, ishte reagimi i parë i njerëzve që nuk e donin këtë gjë. Hyjmë në një betejë për të luftuar pjesën informale. Pamë që ishte një industri e mbështetur politikisht", tregoi Rama. Ai gjithashtu rrëfeu se presioni dhe lobimi i grupeve të interesit që përfaqësoje këtë aktivitet kishte qenë shumë i fuqishëm dhe se ai kishte bërë që shumë deputetë të ishin të lëkundur, qoftë edhe për të shtyrë afatet e hyrjes në fuqi të ligjit. "Një nga momentet e mia të këqija si drejtues i shumicës ishte kur mbeta vetëm me Erjon Braçen për të bërë një kompromis për ta shtyrë këtë. Fuqia e lobeve nuk është e vogël, kudo në botë është e fuqishme. U vendos të shtyhet për 31 dhjetorin e këtij viti", u shpreh Rama. Ai tregoi në emision edhe momentin që u bind pse bastet dhe kazinotë duhet të mbylleshin. "Ishim në Dibër në një mbledhje qeverie. Ishte një protestë që më uronin mua mirëpritjen nga opozi- "Ishim në Dibër në një mbledhje qeverie. Ishte një protestë që më uronin mua mirëpritjen nga opozita. Më thonë shoqëruesit dalim nga rruga tjetër, ishte rrugë 150 metra. Kishte rreth 20 lokale nga të dyja anët. 90% ishin baste, kazino, bingo, komplet rruga, thashë: Kjo është çmenduri duhet të ndalojë".
ta. Më thonë shoqëruesit dalim nga rruga tjetër, ishte rrugë 150 metra. Kishte rreth 20 lokale nga të dyja anët. 90% ishin baste, kazino, bingo, komplet rruga, thashë, ' kjo është çmenduri duhet të ndalojë'. Kur e sheh atë pamje, 68% e njerëzve e fillojnë 10 deri në 15 vjeç, ikin nga shkolla dhe luajnë bixhoz", tregoi Rama. Duke folur për efektet pozitive që do u sjellë familjeve shqiptarë të prekura nga bixhozi, Rama tha se paratë që i shkonin kësaj industrie, tashmë do mbeten në familje për konsum. "Këto para do futen në ekonominë e vendit. Do të krijohen biznese të tjera. Tregu do hapë biznese të tjera. Ata që janë të punësuar, do hyjnë në kurset e kualifikimit. Ne do t'i trajnojmë dhe do t'i kualifikojmë, nuk është se mungojnë vendet e punës", tha Rama.