Kandidatët, mbërrijnë në PD gjermanët e Merkelit dhe britanikët e May
' Lokalet', Spaho: Së shpejti do të ngrihen shtabet elektorale Ekspertizë evropiane për zgjedhjen e emrave
Demokratët prej mua jsh kanë zbritur në terren për zgjedhjen e strukturave të reja të partisë, por edhe nisjen e procesit zgjedhor për lokalet e 2019- ës. Procesi pritet të përmbyllet brenda pak ditësh, ndërkohë që nënkryetari i PD- së, Edmond Spaho, thotë për "Gazeta Shqiptare" se menjëherë sapo të mbyllen zgjedhjet në parti, do të ngrihen edhe shtabet elektorale në mbarë vendin për zgjedhjet e ardhshme lokale, por pa përjashtuar as ato të përgjithshme. Mësohet se ditën e sotme dhe në vijimësi në selinë e PD- së përveç përfaqësuesve të CDUsë gjermane, do të mbërrijë edhe një përfaqësues i partisë konservatore britanike, që do të japë eksperiencën e tij për zgjedhjet lokale, por edhe ato të përgjithshme. Unioni Kristian- Demokrat gjerman, me në krye Angela Merkelin, prej kohësh i ka dhënë mbështetje PD- së për hartimin e programit të ardhshëm qeverisës dhe aktualisht po ndihmon demokratët shqiptarë edhe për zgjedhjet lokale përmes përfaqësuesve të saj, që herë pas herë vijnë në selinë e PDsë për të dhënë ekspertizën e tyre. Po ashtu, po ndihmojnë edhe konservatorët britanikë të kryeministres Tereza May me ekspertizën e tyre, duke e vënë në shërbim të fitores së të djathtës në zgjedhjet e afërta lokale, por që opozita pretendon që njëherësh të zhvillohen edhe zgjedhjet e jashtëzakonshme.
PROCESI
Në partinë kryesore në opozitë po zhvillohen dy procese paralele: mbledhja e propozimeve për kandidaturat për zgjedhjet lokale si dhe zgjedhja e kryetarëve të degëve dhe grup- seksioneve, njësive bazë të organizimit të PDsë. Krahas zgjedhjes së drejtuesve në nivel vendor në të gjithë vendin, grup- seksionet kanë nisur përgatitjen e listave me kandidaturat për kryetar bashkie dhe këshilltarë. Emrat do t'i nënshtrohen një kalimi formal në kryesi dhe Këshillin Kombëtar. Ashtu si në zgjedhjet e kaluara, ky proces, në një fazë të mëtejshme, kushtëzohet nga marrëveshja me partitë kryesore aleate për ndarjen zonave të influencës, për t'u përfaqësuar me kandidatë. LSI dhe PDIU pritet të propozojnë kandidatë për drejtimin e një pjesë të bashkive, ndërsa partitë e tjera aleate do të përfaqësohen vetëm me këshilltarë.
KRITERET
Kandidatët për kryetar bashkie dhe këshilltarë të opozitës duhet të plotësojnë disa kritere të përgjithshme dhe të veçanta. Sa u takon kritereve të përgjithshme, kandidatët duhet të kenë arsim të lartë, integritet të lartë moral, reputacion në zonën e tyre, të justifikojnë pasurinë me të ardhura të ligjshme, të mos kenë pasur funksione gjatë regjimit komunist, të mos kenë qenë bashkëpunëtorë të ish- Sigurimit të Shtetit si dhe të mos jenë subjekte të ligjit të dekriminalizimit. Statuti i PD parashikon një tjetër rregull për zgjedhjen e kandidaturave për këshillat bashkiakë. Sipas nenit 12 pika 3, kryesitë e degëve vendosin për kandidaturat e këshilltarëve në njësitë vendore. Kryesia e PDSH duhet të informohet për çdo hap të procesit të miratimit të kandidaturave. Ajo ka të drejtën e ndërhyrjes sa herë që e vlerëson të domosdoshme. Përjashtimisht, për bashkitë qendër qarku, lista e këshilltarëve përgatitet dhe propozohet nga kryesia e degës dhe miratohet nga kryesia e PDSH.