Rama në Austri, Kurz: BE, e plotë vetëm me anëtarësimin e Ballkanit

Kryeministri shqiptar: Jemi shumë të përkushtuar ndaj bashkëpunimit mes nesh Integrimi, kryeministrat e rajonit mblidhen në Vjenë

Bashkimi Europian është i plotë vetëm kur Ballkani të jetë pjesë e tij. Kështu u shpreh dje kancelari i Austrisë, Sebastian Kurz, gjatë forumit që u zhvillua në Vjenë me temë "Ekonomia takohet me politikën", i cili bëri bashkë në një takim kryeministrat e Ballkanit Perëndimor, ndërsa i vetmi që ka munguar është shefi i ekzekutivit maqedonas, Zoran Zaev për shkak të situatës politike në Shkup. Në takimin e organizuar nga kancelari austriak, Sebastian Kurz ishte i pranishëm edhe Komisioneri europian për Politikat e Fqinjësisë dhe Zgjerimit, Johannes Hahn. Në përfundim të takimit, gjatë konferencës për shtyp, kancelari Kurz garantoi edhe një herë vendet e Ballkanit për mbështetjen që Austria si vend që mban Presidencën e Bashkimit Europian, aspiratës së tyre integruese. "Austria është një partner i rëndësishëm për vendet e Ballkanit Perëndimor. Ne kemi një lidhje të fortë historike, ekonomike, politike, kulturore dhe njerëzore me këtë rajon, ndaj mendojmë se BE do të jetë e plotë vetëm kur vendet e Ballkanit Perëndimor të jenë anëtare. Për këtë arsye mbështesim vendet e Ballkanit Perëndimor në rrugën e tyre drejt BE- së dhe jemi fokusuar veçanërisht në këtë rajon gjatë presidencës sonë të BE. Sot kemi mundësi të përqendrohemi te tri çështje me rëndësi. E para, rruga e rajonit drejt BE- së; e dyta, bashkëpunimi i domosdoshëm rajonal dhe e treta, zgjidhja e konflikteve bilaterale", tha kancelari austriak, Sebastian Kurz. Ndërkohë, kryeministri Rama ndërsa falënderoi kancelarin Kurz për organizimin e këtij takimi, theksoi se vendet e Ballkanit janë të angazhuara që të bashkëpunojnë për të çuar përpara këtë aspiratë të të gjithë popujve që kryeministrat pjesëmarrës në këtë takim përfaqësojnë. "E para, jemi shumë të përkushtuar ndaj bashkëpunimit rajonal dhe jemi shumë mirënjohës për punën mbikëqyrëse të komisonerit Hahn dhe e dyta, jemi duke u përballur me sfidat e bashkëpunimit dhe kuptojmë që ky është një proces ku asgjë nuk është e lehtë dhe asgjë nuk të "E para, jemi shumë të përkushtuar ndaj bashkëpunimit rajonal dhe jemi shumë mirënjohës për punën mbikëqyrëse të komisionerit Hahn dhe e dyta, jemi duke u përballur me sfidat e bashkëpunimit dhe kuptojmë që ky është një proces, ku asgjë nuk është e lehtë dhe asgjë nuk të jepet si e mirëqenë", tha kryeministri Rama.