Kryeprokurori italian: Kokaina nga Shqipëria, në duart e mafies kalabreze

Kreu i Antimafies: Ndrangheta është shtrirë në veri të Europës De Raho: Mafiet, sipërmarrje që ndikojnë në ekonomi

Federico Calfiero De Raho, kryeprokurori i Antimafies italiane, ka konfirmuar sërish ditën e djeshme lidhjet mes trafikantëve shqiptarë të drogës e mafies kalabreze, Ndrangheta. Gjatë një konference me të gjitha strukturat e prokurorive italiane, ai ka theksuar fuqinë ekonomike të mafies italiane, e shtirë pothuajse në të gjithë Europën dhe që përmes shoqërive ' offshore' dhe investimeve në biznesin e lojërave të fatit, riciklon paratë e pista duke influencuar tregjet ekonomike kudo qofshin. "Mafiet nuk janë më ashtu siç imagjinoheshin një herë e një kohë. Janë sipërmarrje në të gjitha drejtimet, me pasuri të pakufishme, që ndikojnë në ekonominë reale", ka deklaruar dje kryeprokurori i Antimafies dhe Antiterrorizmit italian, Federico Calfiero De Raho, gjatë konferencës vjetore "Masat parandaluese ndaj kapitalit, legjislacioni e praktikat e veprimit", mbajtur në qytetin e Venecias. "Mafia kalabreze, Ndrangheta - tha ai - kontrollon një ekonomi "Mafiet nuk janë më ashtu siç imagjinoheshin një herë e një kohë. Janë sipërmarrje në të gjitha drejtimet, me pasuri të pakufishme, që ndikojnë në ekonominë reale", ka deklaruar dje kryeprokurori i Antimafies dhe Antiterrorizmit italian, Federico Calfiero De Raho.

të gjerë përmes trafikut të kokainës, që mbërrin me tonelata nga Amerika Jugore dhe hyn në Itali përmes porteve të Livornos, Gioa Taura, Napoli e Salerno, por edhe përmes porteve të Adriatikut nga Shqipëria". Sipas kryeprokurorit të Antimafies, Ndrangheta ka shtrirë duart dhe në veri të Europës përmes një organizimi sipërmarrës, që vendos njerëzit e tyre në të gjitha pikat e referimit për biznesin e tyre. "Tregu i drogës - tha ai - përmes shoqërive ' offshore' investon në shoqëritë e lojërave të fatit, duke bërë qarkullimin e parave e kushtëzimin e tregjeve kudo qofshin. Faktikisht - ka deklaruar De Raho - gjendemi përballë një borgjezie mafioze, që merret me shuma parash të pallogaritshme me profesionistë, kontabël e avokatë që shndërrohen në mendjen e tyre të rafinuar", ka thënë kreu i Antimafies.