Athina në shtetrrethim të shtunën, policia sulmohet me molotov, gurë e lëndë plasëse

Protesta në Greqi, në pranga 19 persona, mes tyre 1 shqiptar

Pas

protestave të së sh tunës në mbrëmje pranë Universitetit Teknik Kombëtar të Athinës dhe Universitetit "Aristoteli" në Selanik, të cilat janë shoqëruar me dëmtime dyersh e dritaresh, autoritetet greke kanë arrestuar 19 persona, mes tyre edhe një shqiptar, i identiteti i të cilit nuk bëhet me dije. "Trotuaret dhe dritaret e shkatërruara, karriget e djegura dhe tabelat që u përdoren për të ngritur barrikada janë dëshmi e aktiviteteve të anarkistëve që zgjodhën të festonin në këtë mënyrë 45vjetorin e një kryengritjeje studentore kundër regjimit ushtarak të atëhershëm të Greqisë", shkruan "Kathimerini". Mes të arrestuarve janë 15 grekë të moshës nga 17- 37 vjeç. Të tjerët rezultojnë nga Shqipëria, Af- ganistani, Rumania si dhe nga Palestina. Mediat greke, grupin e protestuesve e etiketojnë si anarkistë dhe vandalë, pasi veprimet e tyre ishin shkatërrimtare në dëm të pronës publike. Ndërkaq, Athina ka qenë nën shtetrrethim të plotë gjatë natës. Episodet e rënda zgjatën 6 orë në qendër të kryeqytetit grek. Arrestimet filluan menjëherë pas demonstratës për 45- vjetorin e kryengritjes studentore të Politeknikumit kundër diktaturës greke të Juntas ( Hunta). Pati një luftë me molotov, lëndë kimike, sulme me gurë e armë të ftohta në zonën e Politeknikumit dhe Eksarhia në qendër të Athinës mes policisë greke dhe antiqeveritarëve e grupeve të tjera ekstremiste. Nga të dyja palët kishte të plagosur lehtë, madje janë kërcënuar edhe gazetarët. Të tjera episode ka pasur edhe në Selanik, në Iraklio, Kretë si dhe në qytete të tjera të vendit, më të kufizuara.