Unaza, banorët në protestë, Basha: Nuk janë zaptues, por hallexhinj
Kreu i PD- së sulmon ndërkombëtarët: Për çfarë paguheni? Heshtja ju bën fajtorë "Rama pazare me ndërtuesit, po vjedhin 40 mil euro"
Banorët e "Astirit" bllokuan sërish rrugës pasditen e djeshme teksa në mbështetje të tyre ishte dhe kreu i Partisë Demokratike, Lulzim Basha dhe deputetë të tjerë të opozitës. "Duam shtëpitë tona, duam shtëpitë tona", janë thirrjet njëherazi të banorëve. Ata kundërshtojnë prishjen e banesave të tyre, që preken nga projekti i zgjerimit të Unazës së Madhe pa ua legalizuar më parë, që do t'u mundësonte atyre dëmshpërblimin. Njësoj si edhe ditët e kaluara, edhe në ditën e 20 të protestës, protestuesit bllokuan aksin Pallati me Shigjeta, ish- sheshi "Shqiponja" nga të dyja krahët, duke shkaktuar kaos në trafik. Gjatë protestës së djeshme pati një incident që fatmirësisht kaloi pa të dëmtuar. Një drejtues automjeti nuk mori parasysh grumbullimin e njerëzve të shumtë, ndaj u fut me një fuoristradë "Mitsubishi" përmes turmës dhe u largua. Më pas banorët nuk lejuan kalimin e automjeteve të tjera, duke mbajtur të bllokuar rrugën. Për 20 ditë me radhë, thuajse në të njëjtin itinerar kohor, 17: 00- 19: 00, banorët dalin në protestë dhe bllokojnë rrugën në të dyja senset e saj. Ata kundërshtojnë projektin e zgjerimit të Unazës së Madhe, i cili prek rreth 300 banesa, ndër to shtëpi banimi dhe biznese.
AKUZAT
Kreu i opozitës, Lulzim Basha ftoi dje shqiptarët që të ngrihen kundër qeverisë "Rama" në mbështetje të banorëve të "Astirit", duke i paralajmëruar të mos e presin të keqen te dera e tyre. "Mos prisni t'ju vijë te dera e shtëpisë, sepse atëherë do të jetë shumë vonë", tha z. Basha. Një thirrje të hapur u bëri edhe organizatave ndërkombëtare, të cilat sipas Bashës, nëse nuk reagojnë tani, kanë humbur legjitimitetin e tyre. Kreu i PDsë iu drejtua organizatave ndërkombëtare në Shqipëri, duke u thënë se heshtja përballë asaj që po ndodh në Unazën e Re i bën ata bashkëfajtorë dhe të pabesueshëm. "Kam një pyetje për organizatat ndërkombëtare që financohen me paratë e taksapaguesve të Europës dhe të të gjithë botës, të cilët lejojnë vjedhjen e hapur, duke shkelur çdo standard të mirëqenë të mirëqeverisjes dhe të shtetit ligjor. Ku jeni? Për çfarë paguheni? Për çfarë pune jeni këtu? Për të bërë pasarela? Për të ngrënë e të pirë në restorante të shtrenjta? Për të na treguar se sa e mirë është cilësia e verës shqiptare? Ja ku e keni mirëqeverisjen, reformën në drejtësi. Një
kryeministër harbut, hajdut, që shkel Kushtetutën, shkel ligjin dhe sot po rreh fëmijë dhe gra për të vjedhur. Pse heshtni? Heshtja ju bën bashkëfajtorë, heshtja ju bën të pabesueshëm në sytë e shqiptarëve", theksoi kreu i PDsë. Z. Basha akuzoi kryeministrin Rama si autor të asaj që e quajti megavjedhje tek
Unaza e Re. "Afera e Unazës së Madhe është një vjedhje e hapur, direkte nga Edi Rama, e cila përbëhet nga dy komponentë, nga rrëmbimi i taksave dhe i pronave. Çdo ligj i mundshëm është shkelur. Kjo është një tragjedi që po ndodh me mbi 1000 familje që jetojnë në më shumë se 300 banesat që rrezikojnë të "Asnjëri prej banorëve të Unazës së Re nuk është zaptues, kanë blerë tokën dhe kanë paguar taksat e faturat e ujit dhe dritat. Rama mashtron, secili prej tyre e ka blerë tokën dhe të gjithë janë në proces legalizimi, disa prej tyre janë legalizuar", tha z. Basha.
prishen nga Edi Rama". Sipas Bashës, "asnjëri prej banorëve të Unazës së Re nuk është zaptues, kanë blerë tokën dhe kanë paguar taksat e faturat e ujit dhe dritat. Rama mashtron, secili prej tyre e ka blerë tokën dhe të gjithë janë në proces legalizimi, disa prej tyre janë legalizuar".