Unaza e Madhe, të hënën nisin vlerësimet e objekteve tek "Astiri"

Inxhinierët do të bëjnë vlerësimin financiar

Ditën

e hënë, grupi i in xhinierëve do të nisë vlerësimin e financiar të objekteve që preken nga projekti i Unazës së Madhe, nga segmenti i Pallatit me Shigjeta deri te rrethrrotullimi i sheshit "Shqiponja". Autoriteti Rrugor u bën thirrje banorëve që të mirëpresin këto grupe, në mënyrë që të miratohet sa më shpejt vendimi i qeverisë për marrjen e parave të shpronësimit. Holta Deda, përgjegjësja e Sektorit të Sigurimit të Tokës në ARRSH tha se vlerësimi do të bëhet në prani të banorëve, duke u kërkuar atyre që t'i mirëpresin grupet e punës. "Kjo në mënyrë që të mundësohet dalja e Vendimit të Këshillit të Ministrave me vlerat përkatëse të shpronësimit në një kohë sa më të shpejtë. I gjithë ekipi i inxhinierëve të ARRSH e ndjek me një prioritet maksimal kryerjen e procedurave ligjore të shpronësimit të Unazës së Tiranës", garantoi Deda. Sipas saj, deri tani janë pritur dhe sqaruar mbi 60% e qytetarëve të prekur nga projekti i Unazës së Madhe. Kjo është e konfirmuar edhe me listëprezencën dhe fotografitë nga sqarimet e zhvilluara pranë zyrave të ARRSH. "Nga këta, 50 qytetarë kanë dorëzuar zyrtarisht dokumentet e pronësisë dhe kanë marrë një

PROJEKTI

Ministria e Infrastrukturës shprehet se projekti i Unazës së Re nuk do të jetë i gjatë vetëm 2.3 kilometra, por do të ketë edhe korsi këmbësorësh, makinash dhe trotuare, të cilat bëjnë që në total të jenë 7 kilometra. 75% e vlerës së projektit e merr mbikalimi, çka bën sipas këtij institucioni, që kosto e rrugës të jetë 2.2 milionë euro për kilometër.

përgjigje zyrtare. Pra, deri më tani, 50% e qytetarëve që posedojnë dokumente pronësie janë paraqitur pranë Autoritetit Rrugor Shqiptar. Janë të lutur të gjithë qytetarët që posedojnë dokumente pronësie të paraqiten sa më shpejt pranë zyrave të ARRSH, ku punohet me orar të zgjatur deri në 20: 00 të mbrëmjes", u shpreh zj. Deda.