Partizani bie në Vlorë, Bushiç ringjall Flamurtarin
Kroati Tomislav Bushiç shënoi në minutën e 9- të, Skënderbeu ka mundësinë të marrë kreun e renditjes Flamurtari- Partizani mbyllet me rezultatin 1- 0
Partizani bie në Vlorë! Të kuqtë e kryeqytetit janë ndalur nga Flamurtari i rilindur me aktivizimin e brazilianit Elton Kalè, që në minutat e para të ndeshjes vuri në panik prapavijën e Partizanit dhe asistoi golin e shënuar nga Tomislav Bushiç. Kroati tundi rrjetën në minutën e 9- të, kur i vodhi kohën mbrojtësit Atanda dhe me kokë mposhti Dashamir Xhikën në qendër të portës. Partizani kërkon të rikthejë baraspeshën, por pavarësisht se do të përpiqet nuk do të arrijë dot të kalojë portierin Koliçi. Gega aktivizon në pjesën e dytë edhe Hebajn e çinarin me shpresën se do të mund të ndryshojë fatet e takimit, por deri në fund, pavarësisht këmbënguljes së kuqe, asgjë nuk do të ndryshojë dhe Enea Jorgji do të vërshëllejë për suksesin e gjashtë të Flamurtarit në këtë kampionat, që përveç trepikëshit të tij, i ka dhënë një asist dhe kampionëve të Skënderbeut për t'u rikthyer në krye, gjithnjë nëse këta të fundit do të arrijnë të thyejnë Tiranën, në takimin më interesant të ditës së shtunë, që do të luhet në orën 14: 00 në "Selman Stërmasi".
DAJA: NA DUHESHIN KËTO TRI PIKË
Trajneri Ilir Daja i Flamurtarit nuk e ka fshehur entuziazmin në fund të sfidës së fituar me të kuqtë. Sipas tij, skuadra ishte përgatitur për këtë sukses dhe e kishte studiuar mirë kundërshtarin. "Kishim nevojë për tri pikët dhe qëllimi kryesor ishte të tregoheshim pragmatistë, po prodhonim lojë, po rriteshim në lojë, por nuk po merrnim pikët. Sot luanim me vendin parë dhe në pjesën e parë ishim ne më mirë se kundërshtari, ishim më agre- sivë. Në pjesën e dytë nuk e orientova ekipin të kthehej, qëllimi im ishte vetëm që dy mesfushorët të ndalonin depërtimet nga krahët të kundërshtarit. Pastaj treguam karakter në mbajtjen e rezultatit, u munduam të shfrytëzojmë me kundërzbritje edhe hapësirat që la kundërshtari", - tha
Trajneri i skuadrës së Partizanit ka qenë mjaft i mërzitur pas disfatës në Vlorë. Sipas tij, skuadra humbi një ndeshje, por nuk duhet bërë dramë. "Është hera e parë që drejtoj Partizanin kundër Flamurtarit në Vlorë, erdhëm me qëllimin për të fituar ndeshjen. Goli ishte gabim i yni, përgjumje, mund që edhe të evitohej dhe gjërat do të shkonim më mirë në pjesën dytë. Ne krijuam presion gjatë gjithë kohës, por nuk arritëm që të shënonim, asnjë nuk është i kënaqur që kthehemi pa pikë në Tiranë". Flamurtari- Partizani 1- 0 Tirana- Skënderbeu 14: 00 Teuta - Luftëtari 17: 00 Kamza - Kukësi Laçi - Kastrioti
14: 00 14: 00 Skuadra N F Partizani 14 31 Skënderbeu 13 29 Laçi 13 22 Teuta 13 22 Flamurtari 14 22 Kukësi 13 21 Luftëtari 13 13 Tirana 13 10 Kamza 13 8 Kastrioti 13 7