Propozimet e Ramës për BSH, Bode dhe gruaja e deputetit të LSI
Lista e qeverisë dhe Kuvendit për Bankën, nga Ridvan Bode dhe deputeti Mima, te pedagogia Luçi PD: Përdorim për diversione të brendshme
Kryeministri Edi Rama propozon Ridvan Boden për anëtar të Këshillit Mbikëqyrës të Bankës së Shqipërisë si dhe bashkëshorten e deputetit të LSI- së, Vangjel Tavo. Mes tri emrave të propozuara nga qeveria tërheq vëmendjen ai i ish- ministrit të Financave në 8 vitet e qeverisë "Berisha", Ridvan Bode, i cili është tërhequr nga politika aktive pas përjashtimit që i bëri kryetari i PD, Lulzim Basha nga listat e zgjedhjeve të 2017. Suela Popa është gruaja e deputetit të LSI- së, Vangjel Tavo. Ajo ka qenë drejtoreshë e Agjencisë së Zhvillimit Bujqësor dhe Rural, AZHBR- së; ndërsa Edlira Luçi është pedagoge e njohur, shefe e departamentit të Financës në Fakultetin e Ekonomisë, Universiteti i Tiranës. Kurse tri emrat e propozuara nga parlamenti mësohet se janë deputeti i PD, Florion Mima; dekani i Juridikut, Artan Hoxha dhe Arben Malaj, që propozohet për një mandat të dytë në Këshillin Mbikëqyrës të Bankës së Shqipërisë. Nëse Florion Mima do të votohet nga parlamenti, atëherë do i hapë rrugë kreut të PAA, Agron Duka për të hyrë në parlament, pasi është emri i katërt në listën e PD- së në qarkun e Durrësit.
VOTIMI
Emrat pritet që të votohen nga Kuvendi, ndërsa opozita e ka bojkotuar prej sesionit të ri parlamentar. Mandati i anëtarëve të Këshillit të BSH është 7 vite. Këta emra u përzgjodhën nga një listë me 38 kandidatë. Anëtarët e Këshillit Mbikëqyrës të Bankës së Shqipërisë zgjidhen nga Kuvendi dhe ushtrojnë këtë funksion me mandat 7- vjeçar me të drejtë rizgjedhjeje. Pavarësisht përzgjedhjes nga kryeministri, kandidaturat kalojnë për votim në parlament. Ndërkohë që opozita bojkoton parlamentin, pritet që ish- ministri demokrat të marrë vetëm votat nga PS. Sipas ligjit të Bankës së Shqipërisë, të gjithë anëtarët e Këshillit Mbikëqyrës zgjidhen dhe emërohen nga Kuvendi i Republikës së Shqipërisë, mbështetur në propozimet e bëra si më poshtë: pesë anëtarë propozohen nga Kuvendi ( aktualisht vakanca është për tre); tre anëtarë propozohen nga Këshilli i Ministrave dhe një anëtar propozohet nga Këshilli Mbikëqyrës. Deri në zgjedhjen e anëtarëve të rinj, Banka e Shqipërisë ndodhet në ngërç, pasi Këshilli Mbikëqyrës nuk mund të marrë vendime, njësoj si Gjykata Kushtetuese, apo Gjykata e Lartë. Në datë 21 nëntor dështoi për të dytën herë brenda 14 ditësh mbledhja normale e Këshillit Mbikëqyrës të Bankës së Shqipërisë, pasi ka vetëm 3 anëtarë, ndërsa 6 të tjerëve u ka mbaruar mandati dhe duhet të zgjidhen nga Kuvendi.
REAGIMI
Për demokratët, propozimi i
Ridvan Bodes nga kryeministri Edi Rama për Këshill Mbikëqyrës në Bankën e Shqipërisë është rast që përdoret nga qeveria për diversione të brendshme në PD. I ftuar në "Ora News", deputeti Ervin Salianji tha dje se ky është rasti i dytë, pas propozimit të Majlinda Bregut në një funksion
qeveritar. Sipas tij, në të tilla raste PD i dhimbsen më shumë atë që përballen me arrogancën. "Qëndrimi im ka qenë i qartë prej kohësh në lidhje me çdo lloj funksionari të PD, që kush merr apo përfaqëson qytetarë të caktuar nuk mund t'i tradhtojë interesat e tyre. Nuk besoj dhe nuk Mes tri emrave të propozuara nga qeveria, Ridvan Bode, Suela Popa dhe Edlira Luçi, vëmendje merr ai i ishministrit të Financave në 8 vitet e qeverisë "Berisha", Ridvan Bode, por gjithashtu edhe emri i Suela Popës, e cila është gruaja e deputetit të LSIsë, Vangjel Tavo.
dua të besoj për shkak edhe të një respekti dhe njohjeje që kam, që do ta pranonte një propozim që vjen nga qeveria, pavarësisht aftësive, të cilat nuk i vihen në dyshim. Për mua do të ishte e rëndë. Është rasti i dytë, më parë ish- ministrja e Integrimit propozohet nga qeveria dhe ka marrë një funksion qeveritar, të jenë raste të përdorimit të qeverisë për diversion të brendshme në PD dhe raste ku është e qartë që nuk mund t'i dhimbsen PD- së disa njerëz që propozohen nga qeveria sesa njerëzit që luftojnë çdo ditë me arrogancën apo arbitraritetin", u shpreh z. Salianji.