Rama: Serbia dhe BE, sjellje dyfytyrësie ndaj shqiptarëve
Qeveria e Shqipërisë dhe Kosovës zhvilluan mbledhjen e përbashkët në Pejë Haradinaj: Asnjë metër i Kosovës nuk merret më
Kryeministri i Sh qipërisë, Edi Rama, ka ashpërsuar gjuhën ndaj Bashkimit Europian për sjelljen e tij ndaj shqiptarëve, ndërsa e ka konsideruar të drejtë taksën e Kosovës ndaj mallrave serbe, duke e quajtur atë si një përgjigje politike ndaj veprimeve të Serbisë. Ai i bëri këto komente gjatë mbledhjes së përbashkët të qeverive të Kosovës dhe Shqipërisë, që u mbajt në Pejë dhe ku u nënshkruan një sërë marrëveshjesh të rëndësishme që do të ndikojnë te qytetarët shqiptarë andej e këtej kufirit. Sipas kryeministrit Rama, vendimi i Kosovës për të taksuar 100% mallrat serbe është normale në kushtet e sjelljes me dy fytyra që Serbia bën ndaj Kosovës, ku nga njëri krah bisedon për të çuar përpara bashkëpunimin dhe në krahun tjetër lobon që atë të mos e njohin si shtet i pavarur. "Një vendim irracional në kushte normale, por krejt normal në kushte iracionaliteti, si ato që përvijon vijimisht qasja e dyfytyrësisë e Serbisë. Kush e sheh tarifën 100% si vendim ekonomik, gabon. Jo, tarifa 100% është reagim politik. Reagim politik ndaj ekseseve të vazhdueshme të një sjelljeje suprematiste të Serbisë ndaj Kosovës. Ministri i Punës dhe Mirëqenies Sociale i qeverisë së Kosovës më tregonte mbrëmë se si në Beograd, deri në 2 të natës, me anë të të dërguarve të Europës i kërkonin të hiqte fjalën Republika e Kosovës nga fjalimi që do mbante të nesërmen në një mbledhje të përbashkët, ku edhe Kosova ishte e pranishme me vullnetin e mirë për të nënshkruar një deklaratë të përbashkët në rrugën e paqtimit dhe të bashkëpunimit rajonal. ' What the fuck!'", - do thuhej në gjuhën e Parlamentit Europian", tha kryeministri Rama. Duke i marrë në konsideratë edhe reagimet që mund të vijnë nga Serbia apo Bashkimi Europian, kryeministri Rama u tregua i ashpër edhe me Brukselin. "Natyrisht, e di se çfarë do të thonë menjëherë në Beograd, apo kudo qoftë tjetër, por unë kam parasysh bashkimin e shqiptarëve si një domosdoshmëri në rrugën e Bashkimit Europian dhe Bashkimi Europian duhet t'i japë fund qasjes së dyfytyrë. Një fytyrë për Shqipërinë, një fytyrë për Kosovën. Shqipërisë i thotë do hapim negociatat sot, do hapim negociatat nesër. Kosovës i thotë do liberalizohemi sot, do liberalizohemi nesër dhe ndërkohë ajo që ndodh, është që Serbia vazhdon hapë kapituj dhe po ia del duke përdorur tri fytyra, ndërkohë ne kemi një fytyrë. Rama e konsideroi në të mirë të shqiptarëve edhe idenë e Presidentit Thaçi për korrigjimin e kufijve, ndonëse kryeministri Haradinaj vazh- don të mbajë të njëjtën linjë kundërshtie. "Hashim Thaçi është President i Kosovës dhe komandanti i Ushtrisë Çlirimtare të Kosovës. Kush ngre dorën ndaj Hashim Thaçit duke e quajtur tradhtar është një gomar, këtë di të them unë. Kjo çështje duhet trajtuar me një vizion të qartë strategjik dhe na takon të gjithëve të ulemi e të shohim të ardhmen", u Ministri i Punës dhe Mirëqenies Sociale i qeverisë së Kosovës më tregonte mbrëmë se si në Beograd, deri në 2 të natës, me anë të të dërguarve të Europës i kërkonin të hiqte fjalën Republika e Kosovës nga fjalimi që do mbante të nesërmen në një mbledhje të përbashkët, ku edhe Kosova ishte e pranishme me vullnetin e mirë për të nënshkruar një deklaratë të përbashkët në rrugën e paqtimit dhe të bashkëpunimit rajonal. ' What the fuck!'", - do thuhej në gjuhën e Parlamentit Europian". shpreh Rama. Por, ndryshe nga ai kryeministri kosovar, Haradinaj u shpreh i prerë se kufijtë e Kosovës nuk do të ndryshojnë. "Asnjë metër e Kosovës nuk merret më, as te Ramushi, Rama apo Thaçi. 17 shkurti nuk preket më. E kemi marrë prej vullnetit të lirë. Kur të jetë gati Serbia të na njohë, mirë se të vijë; po s'na njohu, ne nuk mërzitemi", tha Haradinaj.