Vetingu shkarkon prokurorin e Bashës dhe gjyqtarin e Shkodrës
"Lekë të kapura në loto dhe kontakte me botën e krimit"
Komisioni
i Pavarur i Kualifikimit ka shkarkuar nga detyra ditën e djeshme prokurorin në Prokurorinë e Përgjithshme, Artur Selmani, pasi nuk justifikon pasurinë. Sipas asaj që ka deklaruar pranë ILDKPKI- së, rezulton se në vitin 2004, Selmani ka deklaruar të ardhura nga paga prej 1.4 milionë lekësh. Gjithashtu, ai pretendon se ka fituar shumën 10 mijë dollarë në baste sportive. KPK duke iu referuar DSIK thotë se Selmani është i papërshtatshëm për të vijuar detyrën, pasi ndaj tij ka pasur ankesë nga famil-
ARTUR SELMANI
"Kam hetuar Lulzim Bashën për tenderin e pasaportave Ndreun dhe Arben Ndoken kur u godit një deputet. Prokurori i Përgjithshëm më urdhëroi të publikoja videon kur u godit një deputet. Më larguan, më transferuan te Prokuroria e Tiranës".
jarët e viktimave në Çole të Vlorës. Familjarët pretendojnë se prokurori Selmani ka lehtësuar akuzën për të pandehurit. Prokurori ka thënë në seancë se ai ka hetuar ngjarje të vitit 1997 si dhe Lulzim Bashën për tenderin e pasaportave. "Kam hetuar Lulzim Bashën për tenderin e pasaportave, Ndreun dhe Arben Ndoken, kur u godit një deputet. Prokurori i përgjithshëm më urdhëroi të publikoja videon kur u godit një deputet. Më larguan, më transferuan te Prokuroria e Tiranës. Unë po mbroja interesat e të pandehurve", - ka thënë ai. Ndërkaq, vetingu ka shkarkuar ditën e djeshme edhe gjyqtarin e Shkodrës, Luan Dervishi. Shkarkimi i gjyqtarit është bërë për shkak se sipas DSIK, ai ka rezultuar me kontakte me botën e krimit të organizuar. Gjithashtu, nga hetimet e kryera dhe informacionet e sjella nga ILDKPI, u bë e ditur se Dervishi ka kryer deklarim të rremë të pasurisë. Gjyqtari ka mospërputhje të deklaratave për blerjen e një apartamenti në Tiranë. Sipas komisionit, Luan Dervishi nuk ka shlyer tatimet edhe për një apartament që kishte lëshuar me qira.