Sekretari i përgjithshëm i NATO- s: KFOR do vijojë të jetë në Kosovë, Bosnja më afër anëtarësimit
Stoltenberg: Mbështesim dialogun Beograd- Prishtinë
Jens
Stoltenberg, sekre tari i përgjithshëm i NATO- s, ka theksuar ditën e djeshme mbështetjen e aleancës që ai përfaqëson për dialogun BeogradPrishtinë. Deklarata e tij është bërë në prag të takimit të shefave të vendeve anëtare të Aleancës VeriAtlantike, i cili së bashku me përfaqësuesen e lartë të BE- së, Federica Mogerini, do të diskutojnë ditën e sotme marrëdhëniet e NATOs me vendet e Ballkanit Perëndimor. I pyetur nga mediat nëse Aleanca VeriAtlantike kishte frikë se një zgjidhje sigurie mund të kishte rezultuar në një zgjidhje në dialogun Beograd- Prishtinë që do të përfshinte disa korrigjime kufitare, Stoltenberg tha se NATO mbështet fuqishëm dialogun Beograd- Prishtinë, pasi është e vetmja mënyrë që të gjendet përgjigjja për çështje të pazgjidhura. "Kur është fjala për rregullimet e mundshme kufitare, theksoj se NATO mbështet dialogun dhe shpresoj që të dyja palët do të gjejnë një zgjidhje të pranueshme si për Beogradin, ashtu edhe për Prishtinën", tha Stoltenberg. Sipas tij, është e rëndësishme që të gjithë faktorët të përmbahen nga lëvizjet sfiduese dhe mesazhet provokuese dhe të përpiqen të zvogëlojnë tensionin dhe të bëjnë përparim. Ai theksoi se NATO do të vazhdojë të jetë prezente në Kosovë përmes misionit të saj operativ, KFOR, i cili është i rëndësishëm për stabilitetin. "KFOR- i do të vazhdojë të jetë i paanshëm, në mënyrë që të jemi të sigurt se stabiliteti dhe siguria do të garantohen dhe se do të ketë përparim drejt përpjekjeve politike për të gjetur një zgjidhje përmes negociatave politike", përfundoi sekretari i
JENS STOLTENBERG
"Kur është fjala për rregullimet e mundshme kufitare, theksoj se NATO mbështet dialogun dhe shpresoj që të dyja palët do të gjejnë një zgjidhje të pranueshme si për Beogradin, ashtu edhe për Prishtinën", tha Stoltenberg. përgjithshëm i NATO- s. "Nga Bosnje Hercegovina do të kërkojmë përgatitjen e programit të parë vjetor. Tani është në anën e autoriteteve të Bosnjës, nëse do ta pranojnë këtë ofertë", ka thënë Stoltenberg. Të martën dhe të mërkurën në Bruksel do të mbahet mbledhja e ministrave të Jashtëm të vendeve anëtare të NATO- s, ndërsa plani për Bosnjën pritet të miratohet të mërkurën. Ky është hapi i parë në procesin e anëtarësimit të plotë të këtij shteti në aleancën Aeri- Atlantike. Secilit shtet që synon anëtarësimin në NATO i kërkohet të përpilojë planin vjetor të përgatitjeve për anëtarësim. Ndërkaq, nga ana tjetër, sekretari i përgjithshëm i NATO- s, Jens Stoltenberg, në konferencën para mbledhjes ministrore në Bruksel komentoi edhe azilin e ishkryeministrit maqedonas, Nikolla Gruevski në Hungari. Në fjalën e tij, Stoltenberg u shpreh se mbrojtja që po i jep Hungaria ishkryeministrit nuk është një çështje e NATO- s. "Nuk jam unë, ai që duhet ta komentoj këtë. Kjo është çështje që duhet të diskutohet mes Shkupit dhe Budapestit", deklaroi Stoltenberg.