Protestat studentore, Ilir Meta: Dialog, rinia aset i çmuar kombëtar
Kërkesat e studentëve, Rama nxjerr provat: Investim i masiv me qeverinë gjermane Basha: Të rinjtë prishën rehatinë e bandës së hajdutëve
Presidenti i Republikës, Z. Ilir Meta apeloi dje për zgjidhjen institucionale të shqetësimeve të studentëve dhe më shumë përpjekje për një arsim dhe edukim sa më cilësor, që garanton shanse të barabarta për të gjithë, pavarësisht mundësive të tyre financiare. Z. Meta kërkoi nga autoritete shtetërore që t'i konsiderojnë me prioritet kërkesat e studentëve, pasi sipas tij, të rinjtë janë aseti më i çmuar kombëtar. Duke vlerësuar situatën e krijuar, Meta u bën thirrje autoriteteve dhe institucioneve përgjegjëse të dëshmojnë ndjeshmërinë dhe përgjegjësinë e duhur, në adresimin e çështjeve që shqetësojnë studentët, në përputhje me kuadrin ligjor dhe të frymës së dialogut, për një zgjidhje sa më të shpejtë dhe të drejtë në interesin më të mirë publik. "Duhen bërë më shumë përpjekje për një arsim dhe edukim sa më cilësor, që garanton shanse të barabarta për të gjithë, pavarësisht mundësive të tyre financiare. Rinia është aseti ynë më i çmuar kombëtar, ndaj dhe kujdesi ndaj shqetësimeve dhe aspiratave të tyre duhet të jetë prioritet i të gjithëve, sidomos i institucioneve", deklaroi kreu i shtetit.
KRYEMINISTRI
Një nga tri pikat e studentëve që do t'i rikthejë sot sërish në protestë është përmirësimi i kushteve në konvikte. Por, kryeministri Rama përmes një postimi në ' FB' shprehet se qeveria e tij në bashkëpunim me qeverinë gjermane ka nisur si asnjëherë më parë një investim masiv për të ndryshuar rrënjësisht situatën e trashëguar të konvikteve. "Meqë po diskutohen këto ditë edhe kushtet e godinave për studentët, ja prova që kjo qeveri, si asnjë tjetër më parë, ka nisur një investim masiv ( 18.8mln faza 1) në bashkëpunim me qeverinë gjermane, për të ndryshuar rrënjësisht situatën e tra-
shëguar të konvikteve. Ndiqeni deri në fund, sepse nis si 3D, por vazhdon si realitet i prekshëm i kantierit të parë të këtij projekti", theksoi z. Rama. Ky reagim i kryeministrit vjen pak pas mbylljes së protestës së organizuar nga studentët, të cilët në katër pikat e kërkesave të tyre kishin edhe përmirësimin e kushteve të konvikteve. Për më shumë se 2 orë qindra studentë nga të Kryetarja e LSI i kërkon politikës të mësojë nga studentët. "Bravo! Ju meritoni të jetoni të lumtur në Shqipëri. Politika duhet të mësojë prej jush. Respekt dhe mirënjohje!", shprehet Kryemadhi.
gjitha universitetet e Tiranës protestuan dje përpara Ministrisë së Arsimit. Me protestën e tyre u solidarizuan dhe Universiteti i Korçës, Durrësit, Elbasanit e Shkodrës.
LULZIM BASHA
Kreu i PD- së, Lulzim Basha deklaroi dje nga zona e "Astirit" në Tiranë ku po mbështet banorët që do t'u shemben shtëpitë, se protesta e mijëra studentëve ua prishin rehatinë