Pedagogia e Oksfordit te "Luarasi": Kërkoni gjithmonë të drejtën!
Rudina Jasini: Juristët e ardhshëm duhet të ndryshojnë diçka në shoqëri "Studentë të motivuar për të avancuar në fushën e dijes"
Ditën e djeshme univer siteti "Luarasi" priti në auditorin e tij, avokaten e njohur shqiptare, aktualisht studiuese dhe pedagoge pranë Fakultetit të Drejtësisë në Universitetin e Oksfordit, Rudina Jasini. Kjo e fundit është një ndër emrat më të njohur përsa u përket shumë çështjeve penale të së drejtës ndërkombëtare. Ekspertja e fushës së drejtësisë zgjodhi pikërisht universitetin "Luarasi" për të dhënë leksionin e saj të parë në vendin e origjinës. Jasini ka qenë pjesë e grupit të avokatëve në mbrojtje të kryeministrit Ramush Haradinaj në gjykatën ndërkombëtare në Hagë.
MESAZHI
Studentët e jurisprudencës në universitetin "Luarasi" shumë shpejt do të jenë avokatë, gjyqtarë dhe prokurorë. Pedagogia shqiptare e Oksfordit iu sugjeron atyre të mos reshtin duke kërkuar të drejtat e tyre. "Ishte një kënaqësi shumë e madhe për mua të mbaja leksionin e parë në Shqipëri apo para studentëve. Kam pasur mundësinë të mbaj ligjërata të tjera edhe në vende të ndryshme të botës. Besoj se kurioziteti, interesi apo edhe dëshira e motivimi që këta studentë kanë për të avancuar në fushën e dijes, ishte ajo që mua më ka bërë më shumë përshtypje në universitetin ' Luara- si", - thotë Jasini.
LEKSIONI
Kontributi i studiueses Jasini në fushën e jurisprudencës ndërkombëtare është i jashtëzakonshëm dhe mbresëlënës. Por, a është e gatshme ajo të japë ekspertizën e saj të vyer në fushën e së drejtës penale apo kushtetuese në Shqipëri? "E para njëherë, për të studiuar drejtësi kërkon mbi të gjitha një aspiratë për të ndryshuar diçka në shoqëri, për të avancuar dhe përmirësuar sistemin e drejtësisë. Do të thosha që shumë studentë shqiptarë duhet të aspirojnë për të drejtën. Nuk ka kuptim të studiosh vetëm për t'u bërë një jurist i ardhshëm, ajo që ka rëndësi është të dish të vësh në punë dijen tënde për të avancuar shtetin e së drejtës", - thekson pedagogia e Oksfordit. Gjatë leksionit, Rudina Jasini iu tha studentëve se arritjet e saj profesionale i ka falë gërshetimit të pasionit me vullnetin e fortë, si dhe falë etikës së punës. "Ishte një kënaqësi shumë e madhe për mua të mbaja leksionin e parë në Shqipëri apo para studentëve. Besoj se kurioziteti, interesi apo edhe dëshira e motivimi që këta studentë kanë për të avancuar në fushën e dijes, ishte ajo që mua më ka bërë më shumë përshtypje në universitetin ' Luarasi'", - thotë Jasini.