Shpërthen nëna e Konstandinos Kaçifas: Do të ta marr unë hakun, do vras Edi Ramën!
Motra: E vranë barbarisht, dikush të marrë përgjegjësinë
GJIROKASTËR - E ndërsa kunati i 35- vjeçarit Konstandos Kaçifas përcolli mesazhe paqeje, krejt ndryshe kanë qenë deklaratat e bëra nga nëna dhe motra e tij. Të ngarkuara emocionalisht për humbjen e të dashurit të tyre më 28 tetor të këtij viti, ato kanë përdorur një gjuhë të ashpër kundër shqiptarëve. Nëna e 35vjeçarit të vrarë nga forcat e RENEA- s ka dalë në qendër të Bularatit me një flamur grek në dorë, ndërsa është shprehur në greqisht para kamerave se do të marrë hakun e të birit. Fjalët e para të së ëmës pas përfundimit të ceremonisë në varrezat e kishës Shën Athanasi në Bularat ishin: "Të vranë qentë shqiptarë që jetojnë këtu. Ata qenër që nuk lanë vëllezërit tanë të vijnë për kujtimin e Konstandinos tim. Pse na pretë të drejtat tona?", tha nëna e Kaçifas. Më pas ajo është shprehur se "do të bëhem si Xhaveli. Do të vras Edi Ramën. Më mori trimin tim. Pse ma vrau djalin? Nuk e dija që kisha lindur një trim të tillë. Ne duam drejtësi. Të çohem 1015 si t'i të pastrojnë vendin. Do të ta marr unë gjakun, biri im", - tha Vasilia Kaçifas. Ndërkaq, fjalët e saj janë mbështetur nga të pranishmit, të cilët kanë përsëritur thirrjet: "Konstandinos je i pavdekshëm!". Ndërsa, motra e minoritarit grek, Ermioni Kaçifas u shpreh para mediave se qeveria duhet të marrë përgjegjësi mbi ta. "Duam të jetojmë në harmoni. Nuk po shikojmë që të ndodhë kjo edhe nga ana e autoriteteve shqiptare. Kërkojmë respekt. Nuk shikojmë të ndodhë kjo. Ta dëgjojnë të tërë, qeveria greke dhe Europa. Dikush duhet të marrë përgjegjësi. Turp, fyejnë ndjenjat tona fetare, historinë tonë, rrënjët tona. Vëllai im është martir. E vranë barbarisht", bërtiti jashtë kishës motra e 35vjeçarit të vrarë. Ndërkohë që nëna e saj vijoi: "Konstandinosi ynë është në qiell dhe na sheh. Jetoni për Greqinë, jetoni për Epirin e Veriut".