Shpërthen Serbia: Kadri Veseli blen në Amerikë 4 mld dollarë armë
Gazeta "Danas": Kongresmenë e senatorë kanë marrë para nga zyrtarë kosovarë Media serbe: SHBA- të e konsiderojnë Kosovën partner strategjik
Shtetet e Bashkuara të Amerikës e konsid erojnë Kosovën partner strategjik është titulli nga gazeta serbe "Danas", referuar burimeve diplomatike në Shtetet e Bashkuara të Amerikës. Në këtë artikull përmendet edhe vizita e fundit e presidentit Thaçi në SHBA, pjesëmarrja e tij në varrimin e ish- presidentit Bush, si dhe fakti që ai ishte ulur afër liderëve më të rëndësishëm botërorë. Sipas burimeve të kësaj gazete, raportet e mira mes SHBA- ve dhe Kosovës në planin diplomatik, janë më së shumti të shtyra nga senatorët Bob Dole, si dhe kongresisti Elliot Angel. "Cilido nga përfaqësuesit e Prishtinës të merrte pjesë në funeralin e Bush, do të ulej në të njëjtin vend që është ulur presidenti Thaçi, ngaqë shqiptarët e Kosovës kanë marrëdhënie të shkëlqyeshme me SHBA- të për vite të tëra, si rrjedhojë e lobimit të suksesshëm", thuhet nga këto burime. Megjithatë, sipas të njëjtave burime, nuk kanë munguar as rastet kur kongresmenë dhe senatorë janë shpërblyer me para nga zyrtarë të Kosovës. Sipas tyre, në këtë aspekt ka kontribuar edhe diaspora shqiptare në Amerikë. "Diaspora shqiptare është shumë e fuqishme dhe nuk ka kursyer asgjë për të ashtuquajturat çështje shtetërore", thuhet nga këto burime. Kujtojmë se përveçse në funeralin e ish- presidentit amerikan, Thaçi ishte ulur në mesin e liderëve botërorë edhe në ceremoninë që shënonte përfundimin e Luftës së Parë Botërore që ishte mbajtur në Francë. Kjo kishte shkaktuar reagime të njëpasnjëshme në Serbi. Gjithashtu, mediat serbe po merren intensivisht me zhvillimet në Kosovë, sidomos me ato që kanë të bëjnë me ushtrinë. Vizita e kryetarit të Kuvendit të Kosovës, Kadri Veseli në SHBA, i ka "çmendur" fare serbët. Media serbe shkruan se "njeriu më i fu- qishëm nga Prishtina" ka shkuar në Amerikë për të blerë armë për Ushtrinë e Kosovës. "Veseli e ofron Trepçën për 4 miliardë dollarë", është titulli i gazetës serbe. Sipas kësaj gazete, Kosova është e gatshme që pasurinë minerare dhe energjetike t'ia jap Amerikës për armë. "Për përgatitjen, armatimin dhe blerjen e sistemit antiraketor "Patriot", Prishtina është e gatshme që amerikanëve t'ua jap pasurinë minerare dhe energjetike", shkruan tutje media. Kjo gazetë po ashtu ka botuar edhe një letër të ish- Presidentin George Bush, sipas të cilës qysh në vitin 2008 ia ka miratuar ndihmën ushtarake Kosovës. Ndërkaq, gjatë qëndrimit në SHBA, kryetari i Kuvendit të Kosovës, Kadri Veseli ka vizituar Gardën Kombëtare të Iowas, ku ka parë nga afër mënyrën e organizimit dhe ka diskutuar me ta për mbështetjen që i është dhënë deri më tani FSK- së. "Ushtria e Kosovës është e paqes, e NATO- s dhe është kontribuuese e stabilitetit në rajon, ajo do të jetë pjesa më krenare "Cilido nga përfaqësuesit e Prishtinës të merrte pjesë në funeralin e Bush, do të ulej në të njëjtin vend që është ulur presidenti Thaçi, ngaqë shqiptarët e Kosovës kanë marrëdhënie të shkëlqyeshme me SHBA- të për vite të tëra, si rrjedhojë e lobimit të suksesshëm",- është shkruar nga burimet në gazetën "Danas".
e Kosovës, dhe do të jetë në partneritet me aleatët tanë", tha Veseli në një intervistë për RTK. Sipas tij përvoja e Ushtrisë Amerikane do të jetë në Ushtrinë e Kosovës. "Kjo vizitë është e jashtëzakonshme, Grada e Iowas, është ndihmesë për Kosovën. Nga vizita jonë del mesazhi që kjo ushtri është e paqes, kemi garancinë e SHBA- së. Të gjithë ata zëra që janë skeptik, le ta harrojnë. Ushtria jonë do të fuqizohet, sepse është në krah me ShBA- në", tha ai.