Rama: Një ditë tjetër e humbur kot, pakt për universitetin
"Kështu funksionon në klinikën e doktoreshë Monës dhe në gjumin e Lul Artistit" Qeveria ka mohuar shkarkimin e anëtarëve të bordeve
Një tjetër ditë të hum bur kot. Kështu e ka përkufizuar dje në mbrëmje kreu i qeverisë, Edi Rama, protestën e studentëve dhe vendosmërinë e tyre për të mos dialoguar me qeverinë, duke kërkuar plotësim të 8 kërkesave të tyre pa kushte. Nëpërmjet një komenti në rrjetet sociale dje pasdite, kryeministri Rama shprehet se është e paarsyeshme për një demokraci që të parashtrosh kërkesa, por pa qenë gati që të ulesh dhe të diskutosh për to. "Një tjetër ditë e humbur me arsyen e mosarsyes: Kam kërkesa, po s'dua të flas për to, prandaj m'i plotëso!", shkroi Rama. Më tej ai aludon se studentët po përdoren nga politika dhe në mënyrë të veçantë nga opozita dhe grupime të tjera pranë saj. "Kështu funksionon në klinikën e doktoreshë Monës, në gjumin e Lul Artistit, në megafonin e profesor Qorrit, po jo në mësimet e demokracisë e të prindërve tuaj. Unë ju pres", u shpreh Rama në komentin e vet. Ndërkohë që më parë, gjatë paradites së djeshme ai pati disa komente të tjera në rrjetet sociale, duke kërkuar t'u tregojë studentëve se vijon të mbetet i gatshëm që të dialogojë me ta në çdo kohë dhe për çdo gjë që ata shtrojnë. Rama u kujtoi studentëve që vijonin të protestonin para zyrës së tij dhe para Ministrisë së Arsimit se gjithçka duhet bërë tani është të ulen dhe të flasin. Në mesazhin e tij, ai theksoi se 8 kërkesat e studentëve janë vetëm pikënisja e një faze të re transformimi të botës sonë universitare. "Të dashur studentë protestues, gjithçka na duhet tani është të ulemi dhe të flasim. 8 pikat janë për mua vetëm pikënisja e një faze të re transformimi të botës sonë universitare. Dhe këtë transformim mund, duhet e do ta bëjmë vetëm së bashku, përmes një Pakti për Universitetin mes studentëve dhe qeverisë", shkroi Rama. Ai u shpreh i gatshëm që një nga kërkesat kryesore të studentëve që ka të bëjë me uljen e tarifave ta plotësonte që para festave të fundvitit. "Adresimin e 8 pikave duhet të nisim pa humbur kohë. Kemi punë për të bërë dhe nëse doni që uljen e tarifave, ta mbyllim para pushimeve tuaja të Vitit të Ri, s'ka
Njoftim për shitje me ankand
realisht minuta për të humbur me llogjet e kazanëve dhe rrugët shkencore të doktoreshë Monës e të profesor Lulit. Unë jam gati dhe s'kam asnjë kusht, prandaj bëhuni mbarë e më çoni fjalë, kur e ku doni të takohemi. Përqafime dhe kurajë, sepse do ju duhet shumë kur ta kuptoni që kjo që keni nisur është ku e ku më e madhe, sesa ato 8 pika", theksonte më tej kryeministri në mesazhin e tij. Ndërkohë që gjatë ditës së djeshme Kryeministria hodhi poshtë një lajm të hapur në media se kryeministri Rama kishte urdhëruar ndërkohë shkarkimin e përfaqësuesve të qeverisë në bordet e administrimit të universiteteve. Sipas këtij reagimi, ky hap nuk do të ndërmerrej para se studentët të uleshin për dialog. "Kryeministria sqaron se lajmi për shkarkimin e përfaqësuesve të qeverisë në bordet e administrimit të universiteteve dhe drejtorët e konvikteve është i pavërtetë. Kryeministri Rama rithekson se është në pritje të hapjes së dialogut, përpara hedhjes së hapave konkretë për 8 pikat dhe pikave të tjera të Paktit për Universitetin", thuhej në njoftimin e Kryeministrisë.