Luftë e ashpër mes kryeministrit e rektorit të Universitetit të Tiranës
Mynyr Koni: Protesta e studentëve shpreh demokraci. Kreu i qeverisë nuk njeh ligjin Rama, Konit: E mëshiroj pafytyrësinë tuaj
Në mbledhjen e dy ditëve më parë, me rektorë e dekanë, kryeministri i vendit Edi Rama ka folur me tone të ashpra ndaj tyre e i ka akuzuar si fajtorë për gjendjen që solli protestën e mijëra studentëve. Në kundërpërgjigje të akuzave të kreut të qeverisë, rektori i Universitetit të Tiranës, Mynyr Koni thekson se Rama nuk njeh ligjin e arsimit të lartë. "Të mundohesh të ndryshosh rrjedhën e gjërave, të mundohesh të gjesh dhe të bësh "fajtor" pa faj, nuk është gjë tjetër veçse një përpjekje e dështuar që tregon vetëm frikë dhe asgjë tjetër. Zoti Kryeministër, në asnjë ditë të punës time si Rektor i Universitetit të Tiranës nuk jam "arratisur" nga përgjegjësia, por përkundrazi. Në mënyrë të vazhdueshme, kam paraqitur problematikat ( që Ju vetëm tani po i pranoni se eksiztojnë) në të gjitha institucionet e shtetit shqiptar, përfshirë edhe Ju. Akuzat që ju bëni, tregojnë shumë qartë se Ju nuk e njihni ligjin e arsimit të lartë 80/ 2015",- thotë rektori në një deklaratë të bërë në faqen zyrtare të UTsë. Ky i fundit, gjithashtu, thekson se nuk është bërë asnjë kërkesë nga senati akademik i këtij universiteti për vendosjen e tarifës për provimet e mbartura si dhe akuzon kryeministrin për presion intimidim e shantazh. "Të njëjtën gjë bëni edhe me çështjen e tarifës së provimeve të mbartuara të studentëve, për të cilën, Senati Akademik i UT, ka deklaruar se nuk ka bërë asnjë kërkesë për vendosjen e saj. Në çdo rast, Ju ushtroni presion, intimidoni, ironizoni dhe shantazhoni, jo vetëm në mënyrë të drejtëpërdrejtë por edhe nëpërmjet mediave që janë pranë qeverisë, duke mos i dhënë mundësinë askujt, në rastin konkret mua, të shprehem dhe të them të vërtetën se çfarë realisht po
ndodh në Universitetin e Tiranës",- nënvizon Koni. Ky i fundit shton se në UT, ka patur probleme të brendshme, që fatkeqësisht kanë gjetur mbështetjen nga institucionet më të larta të shtetit shqiptar. "Ju po de-
klaroni sot, se duhet të shkarkohen anëtarët e Bordit të Administrimit, kurse unë, në mënyrë të vazhdueshme i kam kërkuar Ministres së Arsimit, të marrë masat e nevojshme për çfarë Ju keni konstatuar "Zoti rektor i UT, unë e mëshiroj pafytyrësinë tuaj të dyfytyrtë dhe reagimin tuaj tipik për burrat rrëshqanorë! Sidoqoftë, unë shumë shpejt do të jem auditor më auditor, ku shpresoj të keni kurajon të m'i thoni në sy veshëgjatësitë e shkruara në reagimin tuaj që flet vetë për tu", - shkruan Rama.
sot, si një dështim të funksionimit edhe të Bordit të Aministrimit të Universitetit të Tiranës. Nëse për Kryeministrin dhe qeverinë që ai drejton, protesta e studentëve ështe një shuplakë, për mua është një shprehje
e lirisë dhe demokracisë, dhe si e tillë është një fitore",thekson rektori në deklaratën e tij.
REAGIMI I KRYEMINISTRIT
Në një kohë që studentët po përballojnë protestën
mes të ftohtit, duket se lufta mes Universitetit të Tiranës dhe kreut të qeverisë vazhdon të jetë gjithmonë e më e ashpër. Pas deklaratës së rektorit të UT- së, ka ardhë reagimi nga kryeministri Rama i cili nëpërmjet një postimi në rrjetin social Twitter, i është përgjigjur ashpër dhe madje me epitete fyese Mynyr Konit duke e quajtur të pafytyrë. "Zoti Rektor i UT, unë e mëshiroj pafytyrësinë Tuaj të dyfytyrtë dhe reagimin Tuaj tipik për burrat rrëshqanorë! Sidoqoftë, unë shumë shpejt do të jem auditor më auditor, ku shpresoj të keni kurajon të m'i thoni në sy veshëgjatësitë e shkruara në reagimin Tuaj që flet vetë për Ju",- shkruan Rama.