Zbardhen datat e provimit të shtetit për mjekët dhe farmacistët
QSHA: Kujdes, mos harroni këto dokumente ditën e testit! Rastet kur skualifikoheni Ja kur duhet të kryejnë testimin stomatologët e infermierët
Prej javës së tretë të dhje torit 2018 deri në fund të janarit të 2019- ës, mjekët, farmacistët, stomatologët, e infermierët do t'i nënshtrohen provimit të shtetit për profesionet e mjekësisë. Ky testim do të kryhet edhe për fizioterapistët, logopedistët, mamitë, teknikët e imazherisë dhe teknikët e laboratorit. ' Gazeta Shqiptare' zbardh sot kalendarin e plotë me datat e provimeve për secilin nga profesionet e sipërpërmendura. "Provimi i shtetit do të zhvillohet në godinën e Qendrës së Shërbimeve Arsimore ( më poshtë QSHA) me adresë: Bulevardi: "Zhan D'Ark", Nr. 23 ( ish godina e ATSH), Tiranë. Kandidati duhet të paraqitet në QSHA 30 min. para fillimit të provimit të shtetit",- thekson Qendra e Shërbimeve Arsimore.
DOKUMENTACIONI
Në ditën e provimit kandidati duhet të ketë me vete letërnjoftimin ( Kartë ID ose Pasaportë) për pjesëmarrje në provimin e shtetit ( dokumenti origjinal); kopje të Kartë ID ose Pasaportë; faturën e pagesës së tarifës së provimit të shtetit për llogari të QSHA në një bankë të nivelit të dytë/ postë ( sipas faturës për arkëtim të publikuar në faqen zyrtare të QSHA) sipas herës së pjesëmarrjes. "Për paraqitjen në qendrat e provimit kandidati duhet të ketë parasysh rregullat e mëposhtme: ndalohet marrja me vete dhe përdorimi i celularëve dhe mjeteve të tjera të komunikimit gjatë zhvillimit të provimit, pasi kjo vlerësohet si kriter s'kualifikimi; ndalohet duhani, dhe konsumimi i ushqimit në mjediset e provimit; ndalohet komunikimi gjatë zhvillimit të provimit",- bën me dije QSHA. Kandidatët duhet të verifikojnë emrin, atësinë, mbiemrin, si dhe datën dhe orën e provimit në faqen zyrtare të QSHA. Ligji "Për profesionet e rregulluara në Republikën e Shqipërisë" në nenin 7 thekson se personi, që kërkon të ushtrojë një profesion të rregulluar, duhet të ketë përfunduar programin përkatës të akredituar të studimit dhe/ ose kualifikime profesionale në atë profesion, të cilat vërtetohen me dokumente zyrtare, të lëshuara brenda ose jashtë vendit dhe të njohura në Republikën e Shqipërisë, në përputhje me legjislacionin në fuqi.