Krijimi i ushtrisë së Kosovës, Presidenti Meta: Vendim historik
Themelimi, Rama uron me foton e Thaçit
Presidenti
i Shqipërisë, Ilir Meta e quan vendim historik krijimin e Forcave të Armatosura të Republikës së Kosovës. Me një mesazh urimi ne rrjetet sociale, fill pas votimit në Kuvendin e Kosovës për themelimin e Ushtrisë, Meta thekson se kjo dëshmon qartë që Kosova është e aftë të marrë përgjegjësi të reja në ndërtimin e institucioneve demokratike. "Vendimi historik i krijimit të Forcave të Armatosura të Republikës së Kosovës dëshmon qartë që Kosova është e aftë të marrë përgjegjësi të reja në ndërtimin e institucioneve demokratike dhe për të kontribuar vendosmërisht për paqen, stabilitetin e rajonit dhe fqinjësinë e mirë. Fryma euro- atlantike qëndron në themel të këtij ndryshimi his- torik", shprehet z. Meta. Kurse Kryeministri Rama ne mesazhin e tij pas vendimit historik të transformimit të FSKsë në ushtri të Kosovës uroi me një foto të presidentit Hashim Thaçi veshur me uniformë ushtarake. Fotoja është sh- krepur dy ditë më parë teksa Thaçi vizitonte kazermën "Adem Jashari". Krah fotos, Rama shkruan fjalën urime tri herë, shoqëruar me flamujt e Kosovës, Shteteve të Bashkuara dhe Bashkimit Europian. trisë sa foli për një kundërpërgjigje ushtarake. Presidenti serb kërkoi përkrahje nga Rusia dhe Kina. "Forcën ushtarake të Kosovës, Serbia e sheh si kërcënim ndaj 120 mijë pjesëtarëve të komunitetit serb në Kosovë. Serbia nuk e njeh Kosovën që deklaroi pavarësinë e saj para dhjetë vjetësh", ka shtuar BBC. Reagim i menjëhershëm ka qenë edhe nga ana e NATO- s të cilët shprehën keqardhje për formimin e ushtrisë së Kosovës. Sekretari i Përgjithshëm i NATO- s, Jens Stoltenberg sërish ka shprehur kundërshtimin e tij për transformimin e Forcës së Sigurisë së Kosovës në Ushtri. "Më vjen keq që ky vendim është marrë pavarësisht shqetësimeve të shprehura nga NATO. Përderisa transformimi i Forcës së Sigurisë së Kosovës në parim është çështje për të cilën duhet të vendosë Kosova, ne e kemi bërë të qartë se kjo lëvizje vjen në kohën të papërshtatshme",- ka thënë Stoltenberg.