64 të dënuarit në burgun e Reçit kërkojnë zgjerim të amnistisë
Vetëpërjashtojnë të dënuarit për dhunë në familje e trafikim Letra për ministren Gjoni: Të falen 18- vjeçarët
Pas të burgosurve në burgjet e Drenovës dhe Burrelit, edhe të burgosurit e burgut të Reçit në Malësinë e Madhe i janë drejtuar ministres së Drejtësisë, Etilda Gjonaj dhe Presidentit Meta, me një peticion ku i kërkojnë zgjerimin e amnistisë me rastin e festave të fundvitit. Persona që vuajnë dënimin në Institucionin e Ekzekutimit të Vendimeve Penale në Reç në kërkesën e tyre ashtu si bashkëvuajtësit e tyre në burgjet e tjera të vendit e bazojnë te vendimet e padrejta të gjykatave. "News 24" ka siguruar kërkesën e të burgosurve të Reçit, ku ndër të tjera thuhet:
"E nderuar ministre, duke qenë se në sistemin gjyqësor kemi marrë vendime të padrejta dhe abuzive dhe në pamundësi për rishqyrtimin e të gjitha dosjeve, kërkojmë nga ana juaj që amnistia të prekë të gjitha kategoritë e të dënuarve, përjashtuar të dënuarit për terrorizëm, ata për dhunë në familje, përdhunim dhe shfrytëzim prostitucioni". Peticioni mban firmën e 64 të dënuarve në burgun e Reçit, shumica prej të cilëve nuk përfshihen në amnistinë e paralajmëruar për festat e fundvitit. Drafti i paraqitur, i "E nderuar ministre, duke qenë se në sistemin gjyqësor kemi marrë vendime të padrejta dhe abuzive dhe në pamundësi për rishqyrtimin e të gjitha dosjeve, kërkojmë nga ana juaj që amnistia të prekë të gjitha kategoritë e të dënuarve, përjashtuar të dënuarit për terrorizëm, ata për dhunë në familje, përdhunim dhe shfrytëzim prostitucioni". cili ende nuk është miratuar parashikon amnisti për 900 të burgosur, ku përfshihen të dënuarit deri në tri vite, që kanë marr vendimin e formës së prerë deri më 30 nëntor 2018; ata që iu ka mbetur edhe dy vite nga dënimi, për femrat mbi 50 vjeç dhe për meshkujt mbi 60 vjeç. Amnistohen gjithashtu personat të cilët në kohën e kryerjes së veprës penale kanë qenë 18 vjeç, ose më pak se kaq. Ndërkohë përjashtohen nga amnistia të dënuarit për krime kundër njerëzimit, për krime seksuale, vepra penale kundër, moralit, dinjitetit, fëmijëve dhe familjes. Po ashtu, nuk përfshihen në draftin e amnistisë personat që kanë kryer krime zgjedhore dhe ata, të cilët i janë shmangur drejtësisë.