"Air Albania", firmoset marrëveshja financiare trepalëshe, brenda 10 ditësh certifikimi
Ministrja
e Infrastruk turës dhe Energjisë, Belinda Balluku dhe drejtori i Bordit dhe Komitetit Ekzekutiv të "Turkish Airline", lker Ayc bënë të ditur dje se është nënshkruar marrëveshja financiare trepalëshe për kompaninë ajrore shqiptare "Air Albania". Në fjalën e saj, ministrja nënvizoi se gjatë kësaj kohe "Air Albania" ka qenë në proces trajnimi, testimesh teknike dhe hartimit të doku- mentacionit të nevojshëm për certifikimin. "Kur flitet për një kompani që është mbajtëse e flamurit, flasim për një proces serioz. ' Air Albania' ka kaluar në fazat që duhen për t'u certifikuar prej disa kohësh. Është punuar për të kaluar fazën e trajnimeve, për të konsoliduar fazën e testimeve teknike, për të prodhuar të gjitha letrat dhe manualet që çojnë drejt certifikimit dhe sot ishim për të kolauduar marrëveshjen financia- re mes tri palëve që hap rrugën për certifikimin nga Autoriteti i Aviacionit Civil. Ky proces do të ndodhë në vijim në harkun e një jave apo 10 ditëve", tha Balluku. Nga ana tjetër, përfaqësuesi i "Tukrish" nënvizoi se shumë shpejt "Air Albania" do të jetë në qiell. "Jemi të lumtur që jemi këtu. Prej disa kohësh po punohej për infrastrukturën e ' Air Albania'. Ka përfunduar procesi teknik dhe jemi në fazën kur po përmbyllet procesi total. ' Air Albania' do të jetë së shpejti në qiell. Sot nënshkruam dokumentet e partneritetit dhe kthehem me shpresë në Stamboll", tha Ayci. Në 16 qershor të vitit të shkuar, qeveria përcaktoi për herë të parë procedurat për krijimin e shoqërisë "Air Albania", e cila do të operojë në fushën e transportit ajror. Tre ortakët e saj, sipas të njëjtit vendim, janë "Albcontrol", sh. a., që përfaqëson palën shtetërore shqiptare dhe dy subjekte të tjera, "Turkish Airlines" dhe "MDN Investment", sh. p. k. Sa u përket aksioneve, sipas regjistrimit në QKR të paktën 10 për qind janë të "Albcontrol", 41 për qind të "MDN Investment" dhe 49 për qind të "Turk Hava Yollari A. O".