Manipulime në zgjedhje? Kandidatët më shumë vota se sa pjesëmarrës
Në 11 bashki numri i pjesëmarrësve është më i vogël se numri i votave në kuti KQZ: Të dhënat e atyre që morën pjesë në zgjedhje janë paraprake
KQZ
"Informacionet e publikuara janë të siguruara me rrugë operative, me telefon nga grupet e numërimit. Mund të ketë edhe mospërputhje, por kjo është një vendimmarrje shumëvjeçare, në dilemën për të mos dhënë asnjë informacion apo informacione paraprake, kemi zgjedhur këtë të fundit. Është theksuar disa herë se, këto nuk janë rezultate përfundimtare, dhe si të tilla mund të ketë edhe mospërputhje."
Opozita u përpoq dje të deligjitimojë proces in e zgjedhjeve të së dielës duke denoncuar rastet që sipas saj vërtetojnë se kutitë e votimit janë mbushur nga komisionerët socialistë. Për këtë ajo solli në vëmendje disa raste kur numri i pjesëmarrësve në votime është më i ulët se numri i votave që kanë marrë kandidatët. Në fakt në total bëhet fjalë për 11 bashki të ndryshme ku numri i votave që kanë marrë kandidatët është më i madh se numri i pjesëmarrësve në votime. Kështu në Malësinë e Madhe sipas Komisionit Qendror të Zgjedhjeve morën pjesë në votime 7600 zgjedhës ndërsa kandidati i PS- së në këtë bashki mori 7772 vota. Pra, kandidati ka marrë afro 172 vota më shumë se sa zgjedhës morën pjesë në votim. E njëjta situatë paraqitet edhe në Bashkinë e Vaut të Dejës ku sipas të dhënave zyrtare të KQZ- së pjesëmarrja ishte 5166 votues, ndërkohë që kandidati i PS- së në këtë njësi mori 6223 vota. Pra, në këtë bashki diferenca është mbi 1100 vota. Edhe në Bashkinë e Bulqizës është vënë re i njëjti fenomen i mospërputhjes së numrit të pjesëmarrësve në votim dhe numrit të votave që kanë marrë kandidatët. Sipas tabelës së KQZsë pjesëmarrja në Bulqizë ishte 7500 votues, ndërsa kandidatët që konkurruan së bashku kanë marrë 8072 vota. Pra, diferenca është 572 vota. Në Maliq po ashtu ka ndodhur i njëjti fenomen, ku kandidati socialist Gëzim Topçiu ka marrë afro 1270 vota më shumë se sa ishte numri i zgjedhësve që morën pjesë në votim. Më konkretisht në Bashkinë Maliq pjesëmarrja ishte 12005 votues, ndërsa Topçiu rezulton të ketë marrë 13273 vota. Ndonëse me shifra më të vogla, por probleme ka pasur edhe në Bashkinë e Gramshit. Ndërsa pjesëmarrja ishte 8947 votues, kandidatët në zgjedhje morën në total 9076 vota. Me një diferencë të vogël lëvizin shifrat edhe në Bashkinë e Bleshit, ku pjesëmarrja ishte 6510 votues ndërsa kandidatëve iu numëruan plotë 6546 vota. Me probleme janë shifrat edhe në Bashkinë e Divjakës ku ekziston një direfencë prej 513 votash. Sipas KQZ- së pjesëmarrja ishte 13000 votues ndërsa kandidatit të PS- së iu numëruan
13513 vota. Gjithashtu, edhe të dhënat për Bashkinë Lushnje nuk përputhen, pasi numri i votave që ka marrë kandidati i PS është më i madh se numri i pjesëmarrësve në votime. Konkretisht pjesëmarrja në këtë bashki ishte 27243 votues, ndërsa kandidati socialistë mori 28086 vota. E njëjta problematikë u shfaq edhe në Bashkinë Ura - Vajgurore. Ndërsa në tabelën e pjesëmarrjes të publikuar nga KQZ raportohet se në zgjedhje morën pjesë 5900 zgjedhjet, kandidatja socialiste mori 7666 vota. Por duhet thënë se në këtë rast problemi qëndron te KQZ, e cila nuk ka reflektuar në tabelë
pjesëmarrjen e saktë. Kjo pasi gjatë daljes së fundit ditën e votimit zëdhënësja e KQZ- së, Drilona Hoxhaj raportoi se pjesëmarrja në këtë bashki kishte qenë mbi 8 mijë votues, ndërkohë që në tabelë ishte 5900 votues. I njëjti fenomen ka ndodhur edhe në Bashkinë Selenicë ku kandidati ka marrë 93 vota më shumë se sa ishte numri i pjesëmarrësve. Nisur pikërisht nga ky fenomen i gjerë në këto zgjedhje, zëdhënësja e KQZ- së u përpoq të sqarojë dje se të dhënat e pjesëmarrjes të bëra publike nuk ishte përfundimtare, por para
prake. "Informacionet e publikuara janë të siguruara me rrugë operative, me telefon nga grupet e numërimit. Mund të ketë edhe mospërputhje, por kjo është një vendimmarrje shumëvjeçare, në dilemën për të mos dhënë asnjë informacion apo informacione paraprake, kemi zgjedhur këtë të fundit. Është theksuar disa herë se, këto nuk janë rezultate përfundimtare, dhe si të tilla mund të ketë edhe mospërputhje, të cilat me seriozitetin më të madh do të adresohen nga KQZ në momentin e nxjerrjes së rezultatit përfundimtar të votimit", - tha Hoxhaj.