Haradinaj: Simulimi i katastrofës nga Serbia, përpjekje e dështuar për destabilizim
Taksa 100%, serbët mbyllin dyqanet në veriun e Kosovës në shenjë proteste Kriza në vend, qeveria kosovare hap dyqane në zonën veriore
Qeveria e Kosovës ka hapur dyqane në veri të vendit, në bashkëpunim me bizneset kosovare. Këtë e ka bërë të ditur kryeministri Ramush Haradinaj përmes një postimi një llogarinë e tij në "Facebook", i cili ka thënë se në bashkëpunim të ngushtë me komunitetin e biznesit në Republikën e Kosovës dhe pas konsultave me të gjitha institucionet përkatëse, kanë organizuar hapjen e pikave të përkohshme të shitjes me pakicë në veriun e vendit. Haradinaj ka thënë se ky aksion, i koordinuar dhe planifikuar, ka për qëllim ofrimin e të gjitha produkteve elementare për banorët e asaj ane. "Qeveria e Kosovës mbron qytetarët në veri, duke hapur pikat shitëse në bashkëpunim me bizneset kosovare. Simulimi i katastrofës humanitare nga ana e Serbisë është një tjetër përpjekje e dështuar për destabilizim. Pas demaskimit të këtij skenari të paralajmëruar kohë më parë, qeveria e vendit mbetet e përkushtuar për të ofruar siguri për gjithë qytetarët e saj, pa dallim. Në bashkëpunim të ngushtë me komunitetin e biznesit në Republikën e Kosovës dhe pas konsultave me të gjitha institucionet përkatëse, kemi organizuar hapjen e pikave të përkohshme të shitjes me pakicë në veriun e vendit. Ky aksion i koordinuar dhe planifikuar ka për qëllim ofrimin e të gjitha produkteve elementare për banorët e asaj ane. Sot edhe njëherë u kemi dhënë përgjigjen institucionale, të gjitha veprimeve të orkestruara nga Serbia, përgjigje e cila vulos sovranitetin e vendit, solidaritetin qytetar, përgjegjësinë dhe kujdesin e Qeverisë së Republikës së Kosovës ndaj të gjithë qytetarëve të Republikës së Kosovës. Asnjë qytetar i Kosovës nuk do të jetë viktimë e luftës speciale, që orkestrohet nga agjentë të jashtëm. Kosova është shtet që ne e ndajmë bashkë si shoqëri", ka shkruar në "Facebook" Haradinaj. Nga ana tjetër, ditën e djeshme, në veriun e Kosovës të banuar me shumicë
serbe janë mbyllur të gjitha dyqanet e ushqimeve dhe në shenjë solidarizimi, nuk punojnë as kafenetë, farmacitë, pikat e karburanteve, madje as taksitë. Mbyllja e dyqaneve është pjesë e protestës ndaj tarifave prej 100 për qind, që qeveria e Kosovës u vuri mallrave serbë në nëntor të vitit të kaluar, në shenjë kundërvënieje ndaj fushatës agresive të Serbisë ndaj shtetësisë së Kosovës. Autoritetet në Beograd dhe përfaqësues lokalë të serbëve në veri thonë se tarifat dhe kontrollet e policisë së Kosovës, që ka mbyllur rrugët alternative, kanë bërë që të mungojnë mallrat themelore siç janë mielli dhe prodhimet e
qumështit dhe se veriu është në "prag të krizës humanitare". Por, autoritetet në Prishtinë thonë se tërë kjo është një lojë e Beogradit. Presidenti i Kosovës, Hashim Thaçi, tha të hënën se "krizë humanitare nuk ka në Kosovë. Ka improvizim dhe tendenca të Serbisë për t'i paraqitur si viktimë qytetarët serbë në veri të Kosovës. Prandaj është shumë me rëndësi që e gjithë bota demokratike të njohë dhe të kuptojë realitetin. Edhe ky pretendim i ri i Serbisë është i dështuar", tha presidenti Thaçi. Më 21 qershor, kryeministri i Kosovës, Ramush Haradinaj kishte paralajmëruar nëpërmjet rrjeteve sociale se zyrtarë dhe afaristë serbë në veri të Mitrovicës së bashku me Beogradin zyrtar po përgatisin një plan për të paraqitur gjendjen e një katastrofe humanitare në atë pjesë të Kosovës. Sipas kryeministrit, "boshatisja e dyqaneve, ku nuk gjenden as artikuj elementarë me prejardhje nga Serbia është plani që po përgatitet nga njerëz të caktuar në veri, për të cilin qeveria e Kosovës është e informuar", shkroi ai. Të hënën, kryeministri Haradinaj shkroi në rrjetet sociale se, "simulimi i katastrofës humanitare nga ana e Serbisë është një tjetër përpjekje e dështuar për destabilizim. Pas demaskimit të këtij skenari të paralajmëruar kohë më parë, qeveria e vendit mbetet e përkushtuar për të ofruar siguri për gjithë qytetarët e saj pa dallim. Në bashkëpunim të ngushtë me komunitetin e biznesit dhe pas konsultave me të gjitha institucionet përkatëse, kemi organizuar hapjen e pikave të përkohshme shitëse me pakicë në