Rama publikon videon me Merkelin: Ne kemi vetëm një rrugë, forcimin e BE
Samiti, Polonia kritika BE- së për shtyrjen e bisedimeve të Shqipërisë dhe Maqedonisë së Veriut Kancelarja: Synimi, të ndihmojmë miqtë e Ballkanit
Samiti i Ballkanit Perën dimor në Poznan të Polonisë mblodhi liderët nga Ballkani Perëndimor dhe BE- së për të diskutuar mbi të ardhmen e rajonit në kontekstin e zgjerimit të BE- së. Nga Polonia, kryeministri Edi Rama foli mbi zhvillimet e Samitit të Ballkanit Perëndimor. Në një konferencë me gazetarët, kreu i qeverisë shqiptare deklaroi se nuk janë të pakta arritjet e këtij samiti, i cili po konsolidohet vit pas viti. Më tej, Rama ka deklaruar se më e rëndësishme është se ajo që është planifikuar për të nesërmen është më e sigurt se ajo që është lënë pas. Sipas kryeministrit Rama, e vetmja rrugë e këtij samiti është forcimi i Bashkimit Evropian. Rama deklaroi para mediave se në samit ka pasur shumë diskutime intensive, të cilat sipas tij, synojnë forcimin e bashkëpunimit rajonal dhe atë të BE- së. "Nuk është samit për lajme, por për punë dhe për të bërë një bilanc të ecurisë së punëve në tërësi në rajon, të marrëdhënieve shtetërore në rajon dhe të raportit të rajonit si i tërë. Pas diskutimesh shumë intensive, interesante, të hapura, është me shumë rëndësi që Procesi i Berlinit është një proces që konsolidohet vit pas viti, pa diskutim edhe arritjet nuk janë pak, por më e rëndësishme është se ajo që është planifikuar për të nesërmen është më e sigurt se ajo që është lënë pas. Ne kemi vetëm një rrugë, forcimin e BE. Në këtë aspekt, BE- ja, Gjermania, por edhe Franca së fundi janë në mbështetje", deklaroi z. Rama.
MBËSHTETJA
Kryeministri Edi Rama postoi dje në "Facebook" një video nga samiti i Poznanit, që po zhvillohet në Poloni. Ai është bashkë me homologun maqedonas, Zoran Zaev, duke biseduar i buzëqeshur me kancelaren gjermane Angela Merkel. Ndërkohë pas Samitit të Ballkanit Perëndimor, kancelarja gjermane Angela Merkel deklaroi se Procesi i Berlinit synon të ndihmojë miqtë e Ballkanit Perëndimor drejt rrugës europiane. Lajmin e bëri të ditur nëpërmjet një postimi në "Twitter", zëdhënësi i kancelares, Steffen Seibert. "Procesi i Berlin