Afati, dokumentacioni që duhet dorëzuar për provimin e ricertifikimit të farmacistëve
Deri
në 31 korrik të këtij viti, farmacistët që e kanë plotësuar numrin e detyrueshëm të krediteve për ciklin 2015 - 2018, duhet të dorëzojnë dokumentacionin pranë UFSH- së ose pranë Presidentëve të Këshillave Rajonale. Urdhri i Farmacistëve të Shqipërisë bën me dije se pas kësaj do të kryhet procesi i ricertifikimit. "Njoftohen të gjithë kolegët që kanë përmbushur numrin e detyrueshëm të krediteve për ciklin 2015 - 2018, se dorëzimi i dokumentacionit të nevojshëm për kryerjen e procesit të ricertifikimit, do të kryhet në periudhën 24 Qershor - 31 Korrik 2019. Farmacistët që ushtrojnë aktivitetin në rajonin e Tiranës, do ta dorëzojnë dokumentacionin pranë zyrës së UFSH. Farmacistët që ushtrojnë profesionin në Rajone, do ta dorëzojnë dokumentacionin pranë Presidentëve të Këshillave Rajonale.
Për shkak të volumit të konsiderueshëm të punës që nevojitet për kryerjen e këtij procesi, lutemi që dokumentacioni i kërkuar të dorëzohet i plotë dhe në afatet e përcaktuara",- thekson Urdhri i Farmacistëve të Shqipërisë. Farmacistët e interesuar duhet të dorëzojnë përkatësisht: Vetëdeklarim ( vetëm për farmacistët që ushtrojnë funksionin e drejtuesit teknik); Ekstraktin historik të QKB- së të 3 muajve të fundit; Fotokopjen e licencës së QKB- së ( ish QKL); Fotokopjen e kartës së identitetit. Gjithashtu, kandidatët nuk duhet të harrojnë edhe mandatin e pagesës së kuotizacioneve, deri më 31.12.2019; mandatin e pagesës për rinovimin e Lejes së Ushtrimit të Profesionit me vlerë 5 000 lekë; Raport mjeko - ligjor; si dhe 2 fotografi të formatit foto dokumenti.