Blendi Klosi: Do të zhvillojmë industrinë e detit, punësim i shumë të rinjve

Ministri i Turizmit: Do të konkurrojmë në rajon

Industria

e detit do të njohë zhvillim të mëtejshëm, çka do të sjellë edhe punësimin e qindra të rinjve. Kjo deklaratë është bërë ditën e djeshme nga ministri i Turizmit dhe Mjedisit, Blendi Klosi, gjatë fjalës së tij gjatë takimit me një grup operatorësh në portin e Durrësit. Ai më tej theksoi se pavarësisht se kjo industri është në fazat e para të zhvillimit, do të arrijë të jetë konkurrente edhe për vendet e rajonit. "Jemi në fazat e para të zhvillimit të industrisë së detit, por shumë shpejt ajo do të jetë konkurruese me vendet e rajonit", - tha

PROJEKTI

Ndërkohë, vitin e kaluar Ministria e Turizmit dhe Mjedisit prezantoi projektin "Smile Albania", ku të rinj dhe të reja u shpërndanë në shumë pika turistike të vendit për t'iu ofruar turistëve më shumë informacione rreth ' site'- ve arkeologjike dhe kulturore të Shqipërisë.

ministri Klosi. Gjithashtu, ai theksoi se për zhvillimin e industrisë së detit do të jetë i nevojshëm punësimi i shumë vajzave e djemve të rinj në këtë sektor si dhe për pajisjen e portit me

anije të tjera.

PROJEKTI "SMILE ALBANIA"

Ndërkohë, vitin e kaluar Ministria e Turizmit dhe Mjedisit prezantoi projektin "Smile Albania", ku të rinj dhe të reja u shpërndanë në shumë pika turistike të vendit për t'iu ofruar turistëve më shumë informacione rreth ' site'- ve arkeologjike dhe kulturore të Shqipërisë. Ky projekt do të marrë jetë edhe këtë vit. "Që nga data 10 korrik, ky projekt do të jetë edhe në portin e Durrësit dhe në total në të gjithë vendin do të operojnë rreth 500 studentë në 35 pika turistike", tha ministri Klosi. Programi është një mundësi punësimi për dy muaj dhe studentët e degëve për mjedisin dhe turizmin në universitete kanë prioritet në përzgjedhje. Praktika mësimore me kredite për të gjithë studentët që do të përfshihen në këtë projekt, do të vijojë edhe në vitin e ardhshëm akademik, në bashkëpunimet dypalëshe midis dekanateve të universiteteve dhe Ministrisë së Turizmit dhe Mjedisit.