Baltëhedhësit e reformës në drejtësi

( vijon nga faqja 1)

... anëtarësim në BE, në tetor të këtij viti. Procesi i integrimit është i vetmi biznes fitimprurës i përbashkët për të gjithë në 2.8 milionë shqiptarët që jetojmë ende këtu, në këtë vendin tonë. Që në vend të thithim ajrin e pastër të nismës së lirë, helmohemi çdo ditë me gërmërin e politikës së ditës. Reforma në drejtësi është i vetmi kredencial ( kredencialet në gjuhën diplomatike janë dokumentet që vërtetojnë cilësinë e përfaqësimit të ambasadorit të një vendi) që mund të na bëjë që, me çeljen e bisedimeve, në 5 vitet e ardhshme të mund të na rriten pagat dhe pensionet dyfish( po!, realisht kaq). Për shkak të rritjes më të fortë ekonomike që do të na vijë me nisjen e procesit real të anëtarësimit. Prandaj duhet ta konsiderojmë si diçka të shenjtë. Të shkurajojmë me kundërveprimin tonë gjithkënd që provon ta përbaltë. Dhe përbaltja ka filluar. Madje po shtohet dita- ditës. Më 29 maj 2019, Komisioni Evropian publikoi raportin vjetor për Shqipërinë për këtë vit( të gjithë e njohim me emrin "Progres Raporti"). Në të, për reformën në drejtësi, ai shprehej: "Sistemi gjyqësor i Shqipërisë ka një nivel të përgatitjes. Zbatimi i reformës gjithëpërfshirëse dhe të plotë të drejtësisë ka vijuar me qëndrueshmëri, duke rezultuar në një përparim të përgjithshëm të mirë. Institucionet e reja për vetëqeverisjen e gjyqësorit, Këshilli i Lartë i Gjyqësorit, Këshilli i Lartë i Prokurorisë dhe Këshilli i Emërimeve në Drejtësisë janë themeluar, duke përfaqësuar një hap vendimtar në forcimin e pavarësisë dhe llogaridhënies se gjyqësorit. Rivlerësimi i përkohshëm i të gjithë gjyqtarëve dhe prokurorëve ( procesi i vetingut) ka përparuar vazhdimisht, duke prodhuar rezultate të prekshme. Nën drejtimin Komisionit Europian, Operacioni Ndërkombëtar i Monitorimit ka vazhduar të mbikëqyrë procesin. Më shumë se 140 dosje vetingu janë përpunuar, duke rezultuar në 88 shkarkime ose dorëheqje të gjyqtareve dhe prokuroreve dhe 53 konfirmime ne detyre. Shumica e shkarkimeve kanë të bëjnë me çështjet që lidhen me të pasuritë e pajustifikuara. Këto rezultate konkrete dhe të besueshme kanë forcuar ndjeshëm sektorin dhe kane konsoliduar pavarësinë, paanshmërinë, profesionalizmin dhe llogaridhënien e gjyqësorit ( faqe 3 e Raportit, https:// ec. europa. eu/ neighbourhood- enlargement/ sites/ near/ files/ 20190529- albania- report. pdf). Në bazë kryesisht të këtij përparimi domethënës, Komisioni Evropian( qeveria e BE- së) i rekomandoi për herë të dytë Këshillit të Evropës ( përfaqësuesit të Parlamentit Evropian) që të hapë bisedimet e anëtarësimit me Shq i p ë r i n ë . Politikanë( eurodeputetë) nga vende anëtare të Bashkimit Evropian, si Polonia, Rumania apo Bullgaria po shohin me interes nga shembulli i reformës në drejtësi në Shqipëri, për të reformuar gjyqësorin e tyre, i cili paraqet raste jo të pakta korrupsioni apo paaftësish profesionale. Reforma në drejtësi është një proces shumë i gjatë. Mund të marrë edhe tetë vjet sa të plotësohet. Por është proces i domosdoshëm sidomos për ne si shtet dhe shoqëri. Vërtet dy institucione themelore të gjyqësorit, Gjykata Kushtetuese dhe Gjykata e Lartë praktikisht nuk janë. Por nuk duhet të harrojmë se kur ishin, përfaqësonin dy struktura të kalbura, thellësisht të korruptuara dhe të politizuara. Këtë e provon fakti që nga 11 anëtarë të Gjykatës Kushtetuese, 9 prej tyre, ose u dorëhoqën, ose u shkarkuan gjatë vetingut të zhvilluar deri tani. Kjo tregon suksesin e bisturisë së reformës. Por trupi i gjyqësorit tonë tani ndodhet në sallën e operacionit. Ata që e përbaltin reformën sot kërkojnë që ky trup të ngrihet dhe të vrapojë menjëherë! Jo se nuk i kuptojnë vështirësitë e reformës dhe pasojat e përkohshme të saj, si paralizimin e funksionimit të disa strukturave kyçe. Por thjesht duan ta mbysin reformën në drejtësi që në djep. Këtyre mbytësve u drejtohem. Bëni kujdes me baltën që po hidhni. Edhe pse qytetarët e këtij vendi e kuptojnë pak reformën në drejtësi( eh, sa shumë informacion duhej të ishte përhapur për këtë reformë, që ajo të bëhej sa më e afërt dhe e kuptueshme për njerëzit!), ata instinktivisht e ndjejnë se ajo do t'u sigurojë të ardhmen në Bashkimin Evropian dhe shtetin e së drejtës që kanë kaq shumë kohë që po e presin. Dhe baltuesve të reformës qytetarët e këtij vendi nuk kanë se si t'u rezervojnë besimin për të ardhmen.

Nën drejtimin Komisionit Europian, Operacioni Ndërkombëtar i Monitorimit ka vazhduar të mbikëqyrë procesin. Më shumë se 140 dosje vetingu janë përpunuar, duke rezultuar në 88 shkarkime ose

dorëheqje të gjyqtareve dhe prokuroreve dhe 53 konfirmime ne detyre. Shumica e shkarkimeve kanë të bëjnë me çështjet që lidhen me të

pasuritë e pajustifikuara. Këto rezultate konkrete dhe të besueshme kanë forcuar ndjeshëm sektorin dhe

kane konsoliduar pavarësinë, paanshmërinë, profesionalizmin dhe

llogaridhënien e gjyqësorit