Shqipëria refuzon samitin e SEECP në Bosnjë, solidaritet me Kosovën
"Trajtimi i Kosovës nga organizatorët është i papranueshëm"
Shqipëria ka refuzuar të marrë pjesë në samitin e Procesit të Bashkëpunimit të Evropës Juglindore ( SEECP) organizuar nga Bosnjë Hercegovina. Lajmin e ka dhënë vetë ministri në detyrë për Evropën dhe Punët e Jashtme, Gent Cakaj, i cili ka njoftuar se Shqipëria nuk do të marrë pjesë në këtë samit, si reagim ndaj trajtimit jo të barabartë që iu bë Kosovës nga organizatorët. Në një postim në rrjetin social "Twitter", ministri në detyrë shkruan se trajtimi nga organizatorët në drejtim të Kosovës është i papranueshëm. Cakaj thotë se trajtimi ndaj Kosovës shkon kundër synimit për të krijuar një atmosferë besimi, marrëdhënie të fqinjësisë së mirë dhe stabilitet. Ministri në detyrë Cakaj shkroi se nuk mund të ketë bashkëpunim pa trajtim të barabartë. "Shqipëria anulon pjesëmarrjen e saj në Samitin e SEECP në solidaritet me Kosovën. Trajtimi i saj nga organizatorët është i papranueshëm dhe shkon kundër qëllimit të krijimit të një atmosfere besimi, marrëdhëniesh të mira fqinjësore dhe stabilitetit. Nuk ka asnjë bashkëpunim pa trajtim të barabartë", - shkroi Cakaj në "Twitter". Një ditë më parë, edhe Presidenti i Kosovës, Hashim Thaçi, njoftoi mospjesëmarrjen e vendit të tij në këtë samit. Në një shkrim në rrjetet sociale, ai tha se ftesa denigruese e kryetarit aktual të kryesisë së Bosnjës dhe Hercegovinës e bën të pamundur pjesëmarrjen dhe përfaqësimin e Kosovës në këtë takim. Kryesuesi i presidencës së Bosnjës e Hercegovinës, Milorad Dodik, i ka bërë ftesë presidentit Thaçi, por ka theksuar se ai nuk është i ftuar në cilësinë e Presidentit të Kosovës, por përfaqësimi i tij do të jetë me një shënim ku të cilësohej se pjesëmarrja e Kosovës nuk ishte në status të barabartë me shtetet e tjera në këtë
REAGIMI
"Shqipëria anulon pjesëmarrjen e saj në samitin e SEECP në solidaritet me Kosovën. Trajtimi i saj nga organizatorët është i papranueshëm dhe shkon kundër qëllimit të krijimit të një atmosfere besimi, marrëdhëniesh të mira fqinjësore dhe stabilitetit. Nuk ka asnjë bashkëpunim pa trajtim të barabartë", - shkroi Cakaj.